9:762  tant  aux  Prestres  qu'aux  Moines  et  Nonnains,  comprend  en  soy  les  deux  vices:  car  il  n'appartenoit  point  aux  creatures  mortelles  de  prohiber  ce  que  Dieu  a  permis:  puis  de  contraindre  ceux  qui  n'ont  point  le  don  de  continence  a  s'abstenir  du  remede,  c'est  comme  les  fourrer  en  un  abisme.  Et  de  fait,  on  void  les  fruits  qui  en  sont  advenus:  et  n'est  ia  besoin  de  dire  ce  que  nous  avons  honte  de  penser.  Cependant  nous  n'entendons  point  d'aneantir  l'authorite  de  l'Eglise,  no  des  Prelats  et  Pasteurs,  ausquels  la  superintendance  est  donnee  pour  la  gouverner.  Nous  confessons  donc  que  les  Evesques  et  Pasteurs  doivent  estre  ouys  en  reverence,  entant  qu'ils  font  leur  office  d'annoncer  la  Parole  de  Dieu  :  et  outre  cela,  que  toutes  Eglises,  et  chacune  pour  soy,  ont  puissancc  de  faire  loix  et  status  pour  la  police  commune,  comme  il  faut  que  tout  se  conduise  par  ordre  et  avec  honnestete  (1.  Cor.  14,  40):  et  qu'on  doit  obeir  a  tels  status,  moyenn-ant  qu'ils  n'astreignent  point  les  consciences,  et  qu'on  n'y  establisse  point  de  superstition:  et  tenons  pour  [page  21]  fantastiques  et  mutins  ceux  qui  ne  s'y  voudroyent  point  conformer.  Mais  nous  ne  dissimulons  point  qu'il  faut  discerner  les  vrays  Pasteurs  et  legitimes  d'avec  ceux  qui  n'en  ont  qu'un  titre  frivole.  Car  de  faict  l'abus  est  par  trop  notoire,  que  ceux  qui  se  nomment  Prelats,  et  veulent  estre  recognus  pour  tels,  ne  font  aucun  semblant  de  s'acquiter  de  leur  devoir.  Mais  le  pis  est,  de  ce  que  soubs  ombre  de  leur  estat  et  dignite  ils  menent  les  povres  ames  a  perdition,  les  destournant  de  la  verite  de  Dieu  a  leurs  mensonges.  Et  ainsi  encore  qu'au  reste  ils  fussent  a  tolerer  quand  ils  nous  veulent  abreuver  de  fausses  doctrines  et  erreurs,  nous  avons  a  pratiquer  la  response  de  S.  Pierre:  Qu'il  vaut  mieux  obeir  a  Dieu  qu'aux  hommes  (Actes  5,  29).  Au  reste,  nous  tenons  que  le  primat  que  le  Pape  s'attribue,  est  une  usurpation  par  trop  enorme  :  car  encores  qu'on  accorde  qu'il  est  expedient  d'avoir  quelque  chef  en  l'Eglise  (ce  qui  toutesfois  est  pleinement  repugnant  a  la  parole  de  Dieu)  tant  y  a  que  c'est  une  absurdite  trop  lourde,  que  celuy  qui  doit  estre  chef  sur  les  Evesques,  ne  soit  point  Evesque  luy-mesme.  Et  quand  on  espluchera  tout  ce  qu'ils  disent  de  leur  hierarchie,  on  trouvera  qu'il  n'y  a  nulle  conformite  a  ce  que  nostre  Seigneur  Iesus  et  ses  Apostres  nous  ont  laisse  :  plustost  que  c'est  une  corruption,  pour  renverser  le  droit  regime1)  de  l'Eglise.  Nous  ne  touchons  [page  22]  point  a  toutes  les  dissolutions  et  scandales,  qui  ne  sont  que  par  trop  notoires:  mais  nous  disons  que  tous  Chrestiens,  pour  n'estre  point  rebelles  a  Dieu,  doivent  reietter  1)  gouvernement.