9:761  761  CONFESSIONES.  762  sa  volonte  soit  une  bride,  pour  dominer  sur  toutes  nos  devotions.  Nous  avons  en  cest  endroit  des  advertissemens  si  notables  par  l'experience  commune,  que  nous  sommes  tant  plus  confermez  a  ne  point  passer  les  bornes  de  l'Escriture.  Car  depuis  qu'on  a  commence  a  faire  des  loix  pour  reigler  le  service  de  Dieu,  et  assuiettir  les  consciences,  il  n'y  a  eu  ne  fin  ne  mesure,  et  d'autre  part  Dieu  a  puni  une  telle  temerite,  aveuglant  les  hommes  de  telles  resveries,  que  c'est  un  horreur.  Quand  on  regardera  de  pres  quelles  sont  les  traditions  humaines,  on  y  trouvera  un  abysme,  car  le  nombre  en  est  infini.  Cependant  il  y  a  des  abus  si  lourds  et  enormes,  que  c'est  merveilles  qu'on  ait  este  si  stupide,  sinon  d'autant  que  Dieu  a  exerce  la  vengeance  qu'il  prononce  contre  son  peuple  par  le  Prophete  Isaie  (29,  14),  d'aveugler  et  abrutir  les  sages,  qui  le  veulent  honorer  en  observant  les  commandemens  humains.  Depuis  qu'on  s'est  destourne  de  la  pure  et  saincte  obeissance  de  Dieu,  on  a  cuide  que  la  bonne  intention  suffisoit  [page  19]  pour  approuver  tout,  qui  a  este  pour  ouvrir  la  porte  a  toutes  superstitions  :  c'a  este  l'origine  d'adorer  les  images,  d'acheter  des  Messes,  remplir  les  temples  de  beaucoup  de  pompes  et  parades,  courir  en  pelerinages,  faire  de  voeux  chacun  a  sa  poste.  Mais  c'est  un  abysme  si  profond,  que  ce  nous  est  bien  assez  d'en  avoir  touche  quelques  exemples.  Tant  y  a  que  s'il  estoit  permis  d'honorer  Dieu  par  inventions  humaines,  qu'il  n'y  auroit  ne  fermete,  ne  certitude,  ne  fond  ne  rive  en  la  Religion:  mais  que  tout  iroit  pesle  mesle,  et  la  Chrestiente  ne  differeroit  en  rien  d'avec  les  idolatries  des  Payens.  Il  y  a  aussi  l'autre  mal  que  nous  avons  allegue,  a  scavoir,  la  tyrannie,  par  laquelle  les  povres  ames  sont  opprimees  :  comme  quand  il  est  commande  de  confesser  une  fois  l'an  ses  pechez  a  un  prestre,  c'est  pour  mettre  tout  le  monde  en  desespoir:  car  si  un  homme  ne  peut  venir  a  conte  de  ses  fautes  depuis  le  soir  iusques  au  matin,  qui  est-ce  qui  les  pourra  toutes  ramasser  iusques  au  bout  de  l'an?  Et  toutesfois  le  decret  prononce,  qu'on  ne  peut  autrement  obtenir  pardon:  cela  est  fermer  la  porte  de  paradis  a  tout  le  monde.  Mais  encores,  quand  l'observation  des  loix  humaines  ne  seroit  point  impossible,  il  y  a  tousiours  sacrilege  d'usurper  sur  la  iurisdiction  de  Dieu:  comme  de  dire  que  les  pechez  ne  seront  iamais  pardonnez  si  on  ne  les  confesse  en  l'aureille  d'un  prestre.  Or  c'est  apposer  [page  20]  une  condition  a  la  promesse  de  Dieu,  comme  pour  la  rendre  fausse  ou  vaine.  Autant  en  est-il  de  la  deffence  de  manger  chair  en  certains  iours  sur  peine  de  peche  mortel.  Nous  confessons  bien  que  ieusne  et  abstinence  est  vertu  louable:  mais  telle  deffence  est  pour  retrancher  une  partie  de  l'authorite  de  Dieu.  La  deffence  du  mariage