23:761  761  SERMONS.  762  si  enorme  et  si  detestable  que  rien  plus,  et  neantmoins  qu'il  n'a  point  desiste.  Aprenons  a  son  exemple,  que  quand  en  servant  a  Dieu  nous  serons  blasmez  du  monde,  qu'on  nous  crachera  au  visage,  et  que  nous  serons  condamnez  au  lieu  d'estre  prisez,  que  nous  ne  laissions  pas  pourtant  [pag.  ?58]  de  tousiours  passer  outre.  Car  si  nous  n'avons  une  telle  constance,  il  est  certain  que  nous  servirons  a  nostre  ambition,  et  recevrons  nostre  salaire  comme  dit  nostre  Seigneur  Iesus  Christ.  Quand  les  hommes  nous  auront  applaudi,  et  qu'on  aura  trouve  bon  tout  ce  que  nous  aurons  t'ait,  et  que  nous  serons  bien  aises  d'estre  ici  louez:  n'attendons  rien  au  ciel,  car  desia  nous  avons  trop  regarde  au  monde  :  mais  quand  nous  pourrons  estre  patiens  iusques  la,  que  si  les  hommes  tournent  en  mal  ce  que  nous  faisons  pour  obeir  a  Dieu  neantmoins  que  cela  n'empesche  pas  nostre  course,  et  ne  la  retarde.  Voila  comme  nous  monstrerons  en  verite  que  c'est  Dieu,  auquel  nous  taschons  de  nous  approuver.  Brief,  si  nous  ne  mesprisons  tous  iugemens  humains,  et  que  nous  portions  patiemment  tous  les  opprobres  et  ignominies  et  blasmes  qu'on  nous  pourroit  faire,  il  e^t  certain  que  nostre  foy  ne  se  declaire  pas  comme  il  appartient.  Et  voila  aussi  pourquoy  sainct  Paul  nous  exhorte  par  son  exemple,  de  cheminer  par  infamie  comme  par  bonne  renommee,  et  de  bien  faire  pour  mal  ouyr:  c'est  a  dire,  que  quand  nous  aurons  eu  une  intention  droicte,  et  que  Dieu  nous  sera  tesmoin  que  nous  avons  desire  de  nous  conformer  a  sa  volonte:  si  les  hommes  detractent  de  nous,  s'ils  [pag.  259]  nous  chargent  mesmes  de  crimes  faussement  imposez,  contentons-nous  que  Dieu  nous  accepte  et  nous  approuve.  Or  nous  avons  auiourd'huy  besoin  de  ceste  doctrine  autant  que  iamais:  car  en  general  si  nous  faisons  profession  de  Chrestiente,  il  faut  que  nous  soyons  estimez  comme  heretiques,  comme  de  chiens:  et  que  le  monde  estime  que  nous  ne  cerchons  que  troubles,  que  nous  sommes  rebelles,  que  nous  avons  quitte  Dieu,  que  nous  sommes,  brief,  pires  qu'apostats.  Voila  comme  les  Papistes  parlent  auiourd'huy  de  nous.  Or  si  nous  sommes  si  delicats,  et  que  nous  ayons  les  oreilles  si  chatouilleuses,  comme  beaucoup  qu'on  void  qui  se  voudront  retenir  en  leur  bonne  reputation,  il  est  certain  qu'il  nous  faudra  la  tout  plaquer,  et  Dieu  sera  comme  abandonne.  Ainsi  donc,  tant  plus  nous  faut-il  bien  mediter  ceste  doctrine,  c'est  assavoir,  qu'il  ne  nous  chaille  en  quelle  reputation  nous  soyons  devant  les  hommes,  moyennant  que  Dieu  nous  approuve.  Or  il  y  a  aussi  en  particulier,  si  un  homme  chemine  en  simplicite,  l'un  se  moquera  de  luy,  l'autre  l'appellera  hypocrite,  et  l'autre  dira  qu'il  fait  tout  pour  son  profit.  Et  voila  comme  le  diable  par  telles  astuces  tasche  de  nous  desbaucher.  Il  faut  donc