9:760  sez,  non  seulement  ne  depend  point  de  ceste  raison,  mais  aussi  pource  que  cela  tire  plus  longue  queue,  c'est  qu'on  a  presuppose  qu'il  y  a  un  Purgatoire,  ou  les  ames  sont  punies  pour  les  fautes  qu'elles  ont  commises.  Or  par  ce  moyen  la  redemption  faite  par  Iesus  Christ  ne  seroit  point  pleniere,  et  seroit  autant  derogue  a  la  mort  qu'il  a  soufferte:  comme  s'il  ne  nous  avoit  acquitez  qu'a  demy:  ce  qui  ne  se  peut  dire  sans  blaspheme.  Ainsi  croyans  que  le  povre  monde  a  este  abuse  en  cest  endroit,  nous  ne  voulons  rien  imaginer  contre  les  principes  de  nostre  foy  Chrestienne:  et  mesmes  il  nous  suffit  de  nous  tenir  a  la  pure  doctrine  de  l'Escriture  Saincte,  laquelle  ne  fait  nulle  mention  de  tout  cela.  Quoy  qu'il  en  soit,  nous  tenons  que  c'est  une  superstition  controuvee  en  la  fantasie  des  hommes:  et  outre  ce  qu'il  ne  nous  eat  pas  permis  de  prier  Dieu  a  l'aventure,  nous  ne  voulons  pas  estre  si  outrecuidez  d'usurper  l'office  de  nostre  Seigneur  Iesus  Christ,  qui  nous  a  pleinement  acquitez  de  toutes  nos  offences,  [page  17]  Le  second  poinct  principal,  auquel  nous  sommes  differens  d'avec  la  coustume  et  opinion  receue  par  le  monde,  c'est  de  la  facon  de  servir  Dieu.  Or  de  nostre  coste  suyvant  ce  qu'il  prononce,  qu'obeissance  vaut  mieux  que  tous  sacrifices  (1.  Sam.  15,  22),  et  que  par  tout  il  enioint  d'escouter  ce  qu'il  commande,  si  on  luy  veut  rendre  un  service  bien  reigle  et  qu'il  approuve:  nous  tenons  que  ce  n'est  point  a  nous  d'inventer  ce  que  bon  nous  semble,  ou  de  suyvre  ce  qui  aura  creu  au  cerveau  des  hommes:  mais  de  nous  tenir  simplement  a  la  purete  de  l'Escriture.  Parquoy,  nous  croyons  que  tout  ce  qui  n'en  est  point  tire,  mais  a  este  commande  par  l'authorite  des  hommes,  ne  doit  point  estre  tenu  pour  service  de  Dieu.  Et  en  ceci  nous  avons  deux  articles  comme  pour  maximes  :  l'un  est,  que  les  hommes  ne  peuvent  obliger  la  conscience  sur  peine  de  peche  mortel:  car  ce  n'est  pas  envain  que  Dieu  veut  estre  tenu  pour  seul  Legislateur  (Iaq.  4,  12),  disant  que  c'est  a  luy  de  condamner  et  absoudre  :  comme  aussi  il  ne  reitere  point  en  vain  tant  de  fois  qu'on  n'adiouste  point  a  ses  ordonnances  (Deut.  4,  2  et  12,  32).  Ce  qui  ne  se  peut  faire  a  la  verite  sans  le  taxer  de  n'avoir  point  cognu  tout  ce  qui  estoit  utile,  mais  avoir  oublie  ceci  ou  cela  par  inadvertence.  Le  second  est,  que  quand  nous  cuidons  servir  Dieu  a  nostre  devotion,  il  reprouve  tout  cela  comme  un  meslinge  de  corruption:  et  voila  pourquoy  il  crie  par  son  Prophete  [page  18]  Isaie  (29,  13),  qu'on  a  perverti  toute  vraye  religion,  en  gardant  les  commandemens  des  hommes.  Et  nostre  Seigneur  Iesus  conferme  le  mesme,  que  c'est  en  vain  qu'on  veut  honorer  Dieu  par  traditions  humaines  (Matth.  15,  (J).  C'est  doncques  bien  raison  que  la  superiorite  spirituelle  sur  nos  ames  luy  demeure  inviolable:  et  c'est  pour  le  moins  que