8:760  distinguee  par  lapostre  davee  la  splendeur  de  Iesus  Christ  selon  lessence  divine.  Il  sensuit  donc  quil  y  a  distinction  realle.  Il  respond  quil  y  a  distinction  realle  entre  Dieu  le  pere  et  son  filz  Iesus  Christ,  mais  entre  Dieu  le  pere  et  la  divinite  de  Iesus  Christ  quil  y  a  distinction  personale  et  non  pas  realle.  Et  ledict  Calvin  replique  que  si  la  distinction  nest  realle,  elle  ne  sera  pas  vraye  et  quil  trompe  soubz  ce  mot  de  personne.  Car  tou&  les  docteurs  anciens  qui  ont  use  de  ce  mot  lont  faict  sinonime  avec  hypostase.  Or  hypostase,  comme  desia  il  a  este  dict,  signifie  une  subsistence,  cest  a  dire  chose  qui  subsiste  de  fait  en  lessence,  et  luy  il  prend  le,  mot  de  personne  pour  une  chose  qui  apparoit  hors  lessence  de  Dieu.  Et  ledict  Servet  respond  et  dict,  que  personne  est  hypostase  et  subsistence  que  est  et  a  este  en  lessence  divine.  Et  Calvin  replique,  que  sil  y  eut  de  tous  tems  troys  subsistences  en  lessence  de  Dieu,  il  sensuit  quil  y  a  heu  distinction  vraye  et  realle,  et  quant  ledict  Servet  nya  la  realite,  il  en  faict  chose  feinte.  Interroge  si  le  corps  de  Iesus  Christ  est  de  la  subsistence  de  Dieu,  respond  quil  est  de  la  subsistence  de  Dieu  quant  a  sa  divinite.  Et  Calvin  a  remonstre,  que  veu  que  ledict  Servet  dict  le  corps  de  Iesus  Christ  estre  de  la  substance  de  Dieu,  et  que  nous  savons  le  corps  de  lhomme  nestre  point  de  la  substance  de  Dieu  et  navoir  aulcune  divinite,  que  par  ce  moyen  il  Servet  feroit  conclurre  que  le  corps  de  Iesus  Christ  nestoit  point  semblable  au  nostre.  Item  sus  ce  que  dernierement  ledict  Servet  alleguoit  ny  co,  de  lyra  pour  prouver  comment  ledict  de  Lyra  entendoit  le  53  chapitre  de  Esaie  d&  Cyrus.  Icy  est  este  arreste  que  on  doibge  communiquer  audiet  les  livres  quil  demande,  si  on  les  peult  trouver  tant  en  ceste  ville  que  a  lyon,  a  ses  despens,  et  il  a  retenu  de  ceulx  que  mo.  Calvin  a  produit,  Tertulien  et  Irenee  et  S.  Ignace  et  Policarpe.  Arreste  que  on  baille  de  papier  et  dencre  audiet  Servet,  affin  que  il  puisse  former  requeste  par  devant  Messrs.  iouxte  quil  a  demande  devant  lassistance.  Et  que  le  carcerier  luy  baille  ung  fueillet  de  papier  pour  escripre  sadicte  requeste,  et  quil  le  tienne  bien  serre.  De  interim  remys  a  continuer.