23:760  doit  tuer  puis  apres:  et  tousious  ces  fantasies  luy  revienent  au  devant.  Comment?  que  ie  soye  murtrier  de  mon  propre  sang,  et  que  devant  Dieu  et  devant  les  hommes  ie  commette  un  acte  qui  pourroit  estre  le  plus  detestable  qu'on  pourroit,  penser?  Car  c'est  une  chose  monstrueuse:  et  ceci  est  pour  faire  dresser  les  cheveux  en  la  teste  de  tout  le  monde.  Mais  quoy  qu'il  en  soit,  si  faut-il  qu'Abraham  s'efforce  tousiours  et  qu'il  [pag.  256]  marche,  et  qu'il  demeure  la  seconde  nuict  iusques  au  troisieme  iour  que  Dieu  luy  monstre  la  montagne  de  Moria,  qui  est  le  lieu  ou  depuis  a  este  bastie  Ierusalem.  Voila  donc  ce  que  nous  avons  a  retenir,  c'est  assavoir,  que  pour  bien  combatre  contre  toutes  tentations,  il  ne  faut  pas  seulement  que  nous  ayons  quelque  ardeur  soudaine  de  foy:  mais  une  telle  perseverance  que  nous  ne  defaillions  pas,  combien  que  Dieu  nous  prolonge  le  combats  et  que  nous  n'en  ayons  pas  du  premier  coup  la  delivrance.  Et  c'est  un  point  bien  necessaire,  car  ceux  qui  monstreront  grande  affection  et  singuliere  d'obeir  a  Dieu,  souventesfois  n'auront  que  des  bouffees:  et  cela  s'escoulera,  comme  nous  l'experimentons  par  trop.  Et  ainsi  ne  trouvons  point  estrange  si  Dieu  ne  nous  delivre  pas  incontinent,  quand  nous  serons  assaillis  de  quelque  combat,  et  que  nostre  foy  doit  estre  esprouvee:  si  nous  ne  surmontons  pas  du  premier  iour:  mais  qu'il  faille  continuer,  n'estimons  pas  que  Dieu  passe  mesure,  ensuyvons  plustost  l'exemple  de  nostre  pere  Abraham  en  cest  endroit.  Or  il  est  dit  quant  et  quant,  qu'il  a  commande  a  ses  serviteurs  de  se  tenir  la,  qu'il  a  charge  son  fils  Isaac  du  bois  pour  faire  le  sacrifice.  Car  il  n'estoit  pas  question  seulement  de  tuer  Isaac:  mais  il  falloit  qu'il  le  bruslast  encores,  et  qu'il  mist  le  [pag.  257]  corps  en  cendres.  Il  charge  donc  Isaac  de  bois,  et  commande  a  ses  serviteurs  de  se  tenir-la:  car  il  void  bien  que  ses  serviteurs  n'eussent  iamais  permis  un  tel  acte:  plustost  ils  eussent  estime  :  Voici  un  povre  vieillard  radoute,  il  y  a  quelque  furie  qu'il  a  pris,  il  proteste  qu'il  a  commandement  de  Dieu,  mais  est-il  possible  que  Dieu  ait  commande  une  chose  si  cruelle?  Ils  n'eussent  donc  eu  garde  de  iuger  que  ceste  obeissance-la  eust  este  un  service  de  Dieu:  mais  ils  Peussent  tenu  comme  un  homme  enrage  et  hors  du  sens.  Abraham  cognoit  cela,  et  c'est  une  circonstance  que  nous  devons  bien  noter,  c'est  assavoir,  que  puis  qu'il  a  apprehende  l'infamie  et  opprobre  qui  luy  viendroit,  et  que  chacun  estimeroit  qu'il  eust  fait  cela  par  frenesie,  et  que  iamais  Dieu  n'eust  tenu  pour  agreable  un  tel  service  :  puis,  di-ie,  qu'il  a  apprehende  cela,  et  que  neantmoins  il  ne  luy  chaut  de  toute  l'ignominie  qui  luy  estoit  apprestee  selon  les  hommes,  en  faisant  une  chose  qui  estoit  contre  nature,  et  qui  estoit  une  cruaute