8:76  magis  consentaneam  esse  veterum  doctrinam  papatus  corruptelis,  quam  ovis  lupo  similis  est:  quaedam  tamen  eorum  dicta  ac  voculas  etiam  interdum  non  minus  perverse  quam  improbe  arripiunt,])  unde  rudibus,  et  in  eorum  lectione  non  exercitatis  fucum  faciant.  Quoties  patrum  illis  testimonia  obiicimus,  etiam  si  pondere  et  numero  se  obrui  videant,  ut  tamen2)  supra  omnem  teli  iactum  sibi  videntur  constituti,  secure  contemnunt  ac  rident.  Sedes  enim  apostolica,  quidquid  unquam  doctorum  3)  fuit,  magnitudine  sua  facile  absorbet.  Nec  quidquam  illis  hac  exceptione  promptius  est,  quaevis  patrum  iudicia  nihil  se  morari,  ubi  a  sancta  sede  Romana  aliter  pronunciatum  fuit.  Ergo  apud  illos  ne  pili  quidem  aestimabitur  totus  patrum  chorus,  nisi  ita  libitum  fuerit:  nos  autem  quidquid  uni  eorum  cuilibet  minus  considerate  excidit,  tanta4)  protinus  religione  obstringet,  ut  vel  tantillum  discrepare  sit  nefas.  Iterum  repeto,  confusum  istud  et  prodigiosum  papatus  chaos  antiquo  ecclesiae  regimini  [pag.  99]  tam  esse  dissimile,  ut  non  magis  ignis  ab  aqua  dissideat.  Quod  si  in  eo  damnando  acres  nimium  videmur  et  clamosi,  longe  maior  esset  patrum  vehementia,  si  hodie  viverent.  Adde  quod  boni  isti  filii,  qui  patrum  nomen  instar  pilae  ludendo  iactant,  crassissimos  quosque  errores  videntur  data  opera  eligere:  quibus  nisi  assentiamur,  nos  totius  vetustatis  hostes  esse  clamitant.  Obtulit  Abrahae  ex  proelio  redeunti  Melchisedec  panem  et  vinum:  sacrificium  esse  putant  veteres,  quod  ad  sacram  Christi  coenam  transtulerunt.  Puerilis  fere  hallucinatio.  Atqui  ex  tam  praeclaris  eorum  lucubrationibus  nihil  aeque  papistis  arridet.  Ne  hac  in  parte  nunc  sim  longior,  qui  versati  sunt  in  patrum  scriptis,  et  mediocriter  iudicant,  satis  intelligunt  nos  illorum  autoritate,  ad  oppugnandum  papatum,  esse  instructos.  Verum,  ut  statuantur  in  medio,  5)  propius  tamen  ad  nos  accedent.  Unde  ergo  tanta  scandali  moles6)  struitur?  Atque  ut  demus,  non  posse  asseri  a  nobis  et  restitui  puram  Dei  veritatem,  quin  se  contra  efferat  ille  quem  praedicant  multorum  saeculorum  consensus  (quemadmodum  ab  annis  mille  sic  collapsa  fuisse  omnia  fateor,  ut  nova  subinde  errorum  et  superstitionum  monstra  pullularint)  quid  tamen  in  eiusmodi  dissidio  inveniunt  tanta  offensione  dignum?  Si  fiat  comparatio,  primi  certe  illi  sub  quibus  floruit  ecclesia,  vel  soli  legitimi  patres  haberi  merentur,  vel  praecipuum  saltem  honoris  gradum  inter  patres  iure  1)  les  Caffards  et  autres  zelateurs  du  siege  Romain.  2)  tamen  om.  Beza  et  Amst.  3)  toute  l'autorite  des  Martyrs  et  Confesseurs.  4)  nous  serons  reputez  heretiques  caett.  om.  5)  Et  encor  que  nous  laissions  les  Peres  comme  neutres  sans  nous  en  aider.  6)  Add.  dont  ils  veulent  crever  les  yeux  aux  simples.