7:76  qu'il  commit  par  simple  inadvertence  (2  Sam.  11,4).  La  misericorde  que  Dieu  a  monstree  envers  eux  tous,  est  elle  saillie  ou  morte,  qu'il  ne  la  puisse  aussi  bien  maintenant  demonstrer?1)  Mais  nous  n'avons  que  faire  d'emprunter  exemples  du  vieil  Testament,  veu  qu'il  y  en  a  tant  au  nouveau.  Sainct  Pierre  devant  que  renoncer  nostre  Seigneur  Iesus,  n'avoit-il  pas  ouy  ceste  sentence:  Qui  me  renoncera  devant  les  hommes,  ie  le  renonceray  devant  Dieu  mon  Pere  (Matth.  10,  33)?  Il  ne  pouvoit  donc  pretendre  excuse  d'ignorance.  Et  toutesfois  le  Seigneur  Iesus  luy  a  faict  mercy.  Sainct  Paul  se  complainct  d'aucuns  qui  vivoyent  desordonnement  en  Thessalonique,  mais  il  ne  laisse  pas  d'en  bien  esperer,  moyennant  qu'on  les  corrige,  pour  les  amener  a  repentance  (2  Thess.  3,  11.  15).  Ceux  qui  s'estoyent  desbordes  a  dissolution  et  immundicite  en  l'Eglise  [page  56]  de  Corinthe,  et  se  plaisoyent  tellement  en  leurs  vices,  qu'ilz  ne  vouloyent  escouter  nulle  remonstrance,  estoyent  bien  coulpables  d'avoir  peche  de  mauvaise  volunte.  Toutesfoys  le  mesme  Apostre  ne  laisse  pas  de  les  exhorter  a  se  reduire,  leur  reservant  tousiours  espoir  de  trouver  grace  envers  Dieu.  Autant  lisons-nous  qu'en  a  faict  sainct  Pierre  a  Simon  Magus2)  (Act.  8,  22).  Que  voulons-nous  plus?  Nostre  Seigneur  ouvre  les  thresors  de  sa  grace  a  ceux  qui  auront  este  surmontes  par  leurs  concupiscences:  et  combien  qu'ilz  congneussent  le  mal,  toutesfoys  y  auront  decline  par  infirmite  de  leur  chair.  Qui  sera  l'homme  qui  fermera  la  porte  aux  povres  pecheurs,  et  ne  leur  voudra  permettre  de  recevoir  la  grace  que  Dieu  leur  offre?  Nous  voyons  donc  qu'il  y  a  une  poison  mortelle  cachee  en  ces  motz  des  Anabaptistes,  quand  ilz  ne  font  autres  pechez  remissibles,  que  ceux  qui  auront  este  commis  par  inadvertence.  Pour  faire  une  conclusion  de  cest  article,  il  est  besoing  que  tous  Chrestiens  soyent  advertiz,  quelle  queue  il  tire  apres  soy.3)  Car  encore  qu'on  iuge  bien  que  c'est  une  rigueur  trop  extreme,  de  ne  vouloir  supporter  aucun  deffaut  en  une  Eglise:  toutesfoys  de  premiere  face,  on  ne  voit  pas  combien  [page  57]  ceste  opinion  est  pernicieuse,  d'autant  qu'on  ne  regarde  point  la  consequence  qui  en  vient.  Il  y  a  eu  anciennement  deux  sectes  d'heretiques,  qui  ont  fort  trouble  l'Eglise.  Dont  les  uns  se  nommoyent  en  Grec  Cathares,  c'est  a  dire  purs:  les  autres  Donatistes,  du  nom  de  leur  premier  autheur  et  maistre.  Iceux,  tant  les  premiers  que  les  secondz,  ont  este  en  une  mesme  phantasie  que  sont  a  present  ces  povres  resveurs,  de  chercher  une  Eglise  en  la-  1)  exhibere  suis.  2)  le  Magicien  1611.  3)  quae  smt  ex  eo  consequentia.