56:76  vant  mon  Seigneur,  fors  nos  corps,  et  nos  terres.  19.  Pourquoy  mourrons-nous  devant  tes  yeux,  nous  et  nos  terres?  Achete  tant  nous  que  nostre  terre  pour  le  pain,  et  serons-nous  et  nos  terres  servans  a  Pharao:  et  nous  donne  de  la  semence,  afin  que  vivions,  et  ne  mourions  point,  et  que  la  terre  ne  soit  desolee.  20.  Ainsi  Ioseph  aquit  a.  Pharao  toute  la  terre  d'Egypte:  car  les  Egyptiens  vendirent  cha*  cun  sa  possession,  pourtant  que  la  famine  s'estoit  renforcee  sur  eux:  la  terre  donc  fut  a  Pharao.  21.  Et  fit  passer  le  peuple  es  villes,  depuis  un  bout  des  limites  d'Egypte  iusqu'a  son  autre  bout.  22.  Reste  qu'il  n'aquesta  point  la  terre  des  sacrificateurs,  car  il  y  avoit  provision  destinee  aux  sacrificateurs  por  Pharao,  et  mangeoyent  leur  portion  que  Pharao  leur  avoit  donnee:  parquoy  ils  ne  vendirent  point  leur  terre.  23.  Et  Ioseph  dit  au  peuple,  Voici,  ie  vous  ay  aquis  auiourd'huy,  vous  et  vostre  terre  a  Pharao.  Vous  avez  ci  de  la  semence,  afin  que  vous  semiez  la  terre.  24.  Et  quand  ce  viendra  a  la  cueille,  vous  en  donnerez  la  cinquieme  partie  a  Pharao,  et  les  quatre  pars  seront  vostres  pour  semer  les  champs,  et  pour  vostre  manger,  et  de  ceux  qui  sont  en  vos  maisons,  et  pour  le  manger  de  vos  petis.  25.  Et  ils  dirent,  Tu  nous  as  fait  vivre,  pourtant  que  nous  trouvions  grace  es  yeux  de  mon  Seigneur,  et  que  soyons  serfs  a  Pharao.  26.  Et  Ioseph  establit  une  ordonnance  iusqu'au  temps  present  sur  la  terre  d'Egypte  pour  Pharao,  de  payer  le  quint  a.  Pharao:  excepte  seulement  la  terre  des  sacrificateurs,  laquelle  ne  fut  point  a  Pharao.  27.  Et  Israel  habite  au  pays  d'Egypte  en  la  terre  de  Gosen,  et  furent  residens  en  icelle,  et  fructifierent,  et  multiplierent  grandement.  28.  Et  Iacob  vesquit  au  pays  d'Egypte  dixsept  ans.  Et  les  iours  et  ans  de  la  vie  de  Iacob  furent  cent  quarante  sept  ans.  29.  Comme  le  temps  de  la  mort  d'Israel  s'approchoit,  il  appela  son  fils  Ioseph,  et  luy  dit,  Ie  te  prie,  si  i'ay  trouve  grace  envers  toy,  mets  presentement  ta  main  sous  ma  cuisse,  et  me  feras  grace  et  loyaute.  Ie  te  prie  ne  m'enseveli  point  en  Egypte.  30.  Mais  que  ie  dorme  avec  mes  peres,  et  me  transporte  d'Egypte,  et  m'enseveli  en  leur  sepulchre.  Et  il  respondit,  Ie  feray  selon  ta  parole.  31.  Et  il  dit,  Iure  le  moy:  et  il  luy  iura.  Et  Israel  s'enclina  vers  le  chevet  de  son  lit.  Chapitre  XLVIII.  1.  Et  apres  ces  choses,  il  fut  dit  a  Ioseph,  Voici,  ton  pere  est  malade:  lors  il  preint  ses  deux  fils  avec  luy,  assavoir  Manasse  et  Ephraim.  2.  Et  il  fut  annonce  et  dit  a  Iacob,  Voici  ton  fils  Ioseph  qui  vient  vers  toy.  Adonc  Israel  s'efforca,  et  s'assist  sur  le  lict,  3.  Et  dit  a  Ioseph,  Le  Dieu  toutpuissant  s'est  apparu  a  moy  en  Luz  en  la  terre  de  Chanaan,  et  m'a  benit,  4.  Me  disant,  Voici,  ie  te