54:76  mandons  a  Dieu,  comme  premierement  il  luy  a  pleu  de  nous  douer  de  ses  dons  gratuits,  qu'aussi  il  continue  a  nous  les  confermer,  que  nous  ne  les  perdions  point,  et  que  nous  n'eii  soyons  point  despouillez:  et  que  pour  ce  faire  il  nous  munisse  de  plus  en  plus  de  la  vertu  qui  y  est  requise.  Et  d'autre  coste,  que  nous  soyons  tout  persuadez  de  cela,  scachans  bien  que  Dieu  ne  se  monstre  pas  de  loin  a  nous,  mais  qu'il  se  fait  sentir  a  nos  ames.  Et  qu'ainsi  soit,  qu'un  chacun  entre  en  soy,  Le  bien  que  Dieu  a  mis  en  nous,  n'est-ce  pas  un  certain  tesmoignage  qu'il  y  a  habite  par  son  sainct  Esprit?  Quand  donc  nous  voyons  que  Dieu  a  prins  logis  en  nous,  et  qu'il  veut  que  nous  soyons  ses  temples,  et  qu'il  y  habite  par  son  sainct  Esprit,  craignons-nous  qu'il  ne  nous  donne  la  vertu  pour  persister  iusques  a  la  fin,  qu'il  ne  nous  maintiene  en  possession  certaine  des  biens  que  nous  avons  receus  de  sa  main?  Il  est  vray  que  le  diable  s'efforcera  de  nous  en  despouiller:  mais  comme  nos  ames  ne  luy  seront  point  en  proye,  pource  que  Iesus  Christ  les  a  receues  en  sa  protection,  comme  elles  luy  ont  este  commises  de  Dieu  son  Pere:  aussi  tout  le  reste  que  Dieu  a  ordonne  pour  nostre  salut,  ne  sera  point  en  proye  a  Satan.  Et  pourquoy?  Car  nous  avons  l'Esprit  qui  nous  defendra  a  l'encontre  de  tous  ses  efforts.  Et  ou  est  cest  Esprit?  Il  ne  nous  le  faut  point  aller  chercher  par  dessus  les  nues.  Il  est  vray  qu'il  remplit  toute  la  terre,  et  que  sa  maieste  habite  par  dessus  les  cieux:  mais  si  nous  sentons  qu'il  habite  en  nous,  puis  qu'il  luy  a  pleu  d'espandre  sa  vertu  sur  si  povres  creatures  que  nous  sommes,  scachons  que  ceste  vertu  suffira  pour  nous  defendre  a  l'encontre  de  tous  les  assauts  de  Satan,  voire  moyennant  que  nous  ne  soyons  point  lasches  de  nostre  coste.  Car  il  ne  nous  faut  point  flatter  en  nos  vices  pour  estre  nonchalans,  mais  il  nous  faut  prier  Dieu,  nous  remettans  du  tout  a  luy,  en  attendant  qu'il  nous  conferme  tousiours  de  plus  en  plus.  Et  d'autant  qu'il  a  commence  de  nous  faire  ministres  de  sa  grace,  que  nous  scachions  qu'il  continuera,  et  continuera  en  telle  sorte  que  nostre  salut,  et  celuy  de  nos  prochains  sera  tousiours  de  plus  en  plus  avance  en  sa  gloire.  Or  nous-nous  prosternendis  devant  la  face  de  nostre  bon  Dieu,  etc.