51:76  chacun  vienne,  et  qu'il  se  mette  la  comme  sur  le  bureau,  et  qu'on  voye  quel  il  est,  et  ce  qu'il  a  fait,  et  alors  on  pourra  asseoir  bon  iugement.  Ainsi  en  ce  passage  il  est  dit  qu'un  chacun  esprouve  son  oeuvre,  comme  s'il  disoit,  Nous  voulons  estre  avancez  l'un  sur  l'autre.  Or  si  on  reproche  a  quelqu'un  qu'il  ait  failli,  incontinent  sa  couverture  sera  d'avoir  eu  beaucoup  de  compagnons.  Mais  cela  ne  sera  iamais  receu  devant  Dieu,  dit  sainct  Paul,  ii  faut  que  chacun  se  separe  et  se  mette  la  comme  en  un  reng  a  part,  et  qu'il  cognoisse  que  devant  Dieu  il  sera  ou  absous  ou  condamne,  non  point  selon  qu'un  autre  se  trouvera  ou  pire  ou  meilleur  que  luy:  mais  selon  la  reigle  du  Iuge,  c'est  a  scavoir  la  parole.  Car  Dieu  a  d'un  coste  sa  parole,  et  de  l'autre  coste  il  a  nostre  vie.  Voila  donc  la  vraye  balance  a  laquelle  il  nous  faut  venir:  ce  n'est  point  que  nous  mettions  une  multitude  pour  dire,  Et  ceux  la  m'ont  mal  enseigne:  i'ay  suyvi  ce  que  ie  voyoye,  et  c'estoit  l'estat  commun:  et  il  m'a  fallu  ainsi  faire:  car  i'ay  este  transporte  pour  ce  que  ie  ne  pouvoye  pas  resister  a  tous.  Non,  il  n'est  pas  question  de  tout  cela  devant  Dieu,  il  ne  nous  servira  de  rien  de  dire  que  nous  ayons  beaucoup  de  compagnons;  mais  (comme  i'ay  desia  difc)  la  vraye  balance  est  que  Dieu  aura  sa  parole  pour  contrepois:  et  encofes  que  tout  le  monde  nous  tirast  a  mal,  si  est-ce  que  nous  ne  serons  point  excusez,  si  nous  ne  preferons  Dieu  et  sa  parole  a  tout  ce  que  les  hommes  feront.  Or  ici  en  premier  lieu  suyvant  l'argument  que  sainct  Paul  deduit,  nous  avons  a  nous  recueillir  pour  bien  examiner  nostre  vie,  quand  il  est  question  de  venir  a  conte.  Iamais  donc  un  homme  sera  touche  de  vraye  repentance:  iamais  ne  cognoistra  ses  vices  sans  hypocrisie,  iusques  a  ce  qu'il  ait  ferme  les  yeux  a  tout  ce  que  les  autres  font,  et  qu'il  regarde,  Or  ca,  qu'est  ��ce  que  mon  Dieu  me  commande?  Comment  est-ce  qu'il  me  faut  comparoistre  devant  son  iugement?  Et  comment  est-ce  qu'il  me  iugera?  Selon  sa  parole.  Voila  en  somme  comme  nous  pourrons  estre  touchez  d'une  vraye  crainte  de  Dieu:  voila  aussi  comme  nous  pourrons  nous  desplaire  en  nos  vices  et  estre  finalement  humiliez:  c'est  quand  nous  ne  ietterons  point  la  veue  sur  cestui-ci  ne  sur  cestui-la:  mais  que  nous  examinerons  en  verite  quels  nous  sommes:  et  puis  que  nous  ayons  cela  pour  tout  resolu  que  la  seule  parole  de  Dieu  domine,  et  qu'il  ne  est  point  question  d'asseoir  iugement  selon  ce  qui  se  void  au  monde.  Voila  donc  pour  un  item.  Or  de  la  nous  pouvons  aussi  recueillir  une  doctrine  generale,  c'est  a  scavoir  que  c'est  un  abus  par  trop  lourd  de  cuider  ensevelir  nos  fautes  et  les  vouloir  desguiser,  quand  nous  en  aurons  beaucoup  qui  seront  coulpables  de  mesmes  vices.  Et