50:76  prophetae  p3D:  hoc  est  benevolentiae  aut  gratuiti  favoris.  Ita  aptandum  est  testimonium  praesenti  instituto.  Quum  exhibitioni  gratiae  suae  certum  tempus  assignet  Deus,  sequitur,  non  omnia  tempora  illi  congruere.  Quum  nominetur  certus  dies  salutis,  sequitur,  non  patere  salutis  copiam  quibuslibet  diebus.  Totum  porro  hoc  ex  Dei  providentia  pendet.  Nihil  enim  aliud  est  tempus  acceptum  quam  quod  vocatur  tempus  plenitudinis,  ad  Galatas  (4,  4).  Et  notandus  est  ordo.  Prius  tempus  benevolentiae  ponitur:  deinde  dies  salutis.  Quo  innuitur,  ex  sola  Dei  misericordia  tanquam  ex  fonte  manare  nobis  salutem.  Ergo  non  est  quaerenda  in  nobis  causa,  quasi  Deum  operibus  provocemus  ad  destinandam  nobis  suam  gratiam.  Unde  enim  dies  salutis?  quia  tempus  est  acceptum:  hoc  est,  quod  Deus  gratuito  suo  favore  ordinavit.  Interea  tenendum  est  Pauli  consilium,  prompta  celeritate  opus  esse,  ne  occasio  nobis  effluat:  quia  Deus  oblatam  gratiam  lente  et  segniter  a  nobis  recipi  indigne  ferat.  Ecce,  nunc  tempus.  Loquutus  erat  propheta  de  tempore,  quo  manifestandus  in  crane  erat  Christus  in  redemptionem  hominum.  Transfert  Paulus  vaticinium  ad  tempus,  quo  revelatur  Christus  per  assiduam  evangelii  doctrinam:  et  merito.  Nam  ut  semel  universo  mundo  missa  fuit  salus,  quum  Christus  apparuit:  ita  nunc  quotidie  nobis  mittitur,  quum  efficimur  participes  evangelii.  Pulcher  locus  et  non  exiguae  consolationis,  quod  dum  nobis  evangelium  praedicatur,  certo  scimus  patefieri  nobis  aditum  ad  regnum  Dei,  ac  sublato  in  altum  divinae  benevolentiae  signo,  nos  invitari  ad  salutem  capessendam.  Nam  eius  obtinenda  occasio  a  vocatione  aestimanda  est.  Terum  nisi  opportunitate  utamur,  timenda  est  denuntiatio,  quam  Paulus  insinuat,  brevi  clausum  iri  ianuam  omnibus,  qui  tempestive  non  fuerint  ingressi.  Haec  enim  vindicta  semper  contemptum  verbi  sequitur.  3.  Nullam  dantes  offensionem.  Aliquoties  iam  dictum  est,  Paulum  nunc  generaliter  ministerium  evangelii,  nunc  suam  ipsius  integritatem  commendare.  Nunc  ergo  de  se  loquitur,  et  in  sua  persona  vivam  probi  ac  fidelis  apostoli  imaginem  proponit:  ut  discant  Corinthii  quam  iniqui  fuerint  iudices,  ventosos  Thrasones  illi  praeferendo.  Nam  quum  solis  larvis  palmam  darent,  homines  delicatos  et  nullius  zeli  habebant  in  summo  pretio:  de  optimis  vero  ministris  nihil  nisi  vulgare  et  abiectum  sentiebant.  Nec  dubium  quin  ea  ipsa,  quae  in  suam  laudem  commemorat  Paulus,  contemptum  illi  ex  parte  apud  eos  attulissent.  Quo  maiore  reprehensione  digni  erant,  qui  verae  gloriae  materiam  haberent  probri  loco.  Tria  ergo  hic  agit  Paulus:  docet  quae  sint  virtutes,  quibus  censeri  debent  evangelici  doctores  :  deinde  his  virtutibus  se  praeditum  esse  demonstrat.  Tertio  admonet  Corinthios  ne  pro