42:76  l'histoire  le  monstre,  tout  ainsi  qu'il  est  ici  predit  par  l'ange,  il  ha  este  accompli:  mais  sachons  que  c'est  a  nous  qu'aussi  ceci  s'adresse,  et  nous  le  faut  aussi  appliquer  auiourd'huy  a  nostre  doctrine  et  instruction  :  il  est  vray  que  c'est  une  chose  fascheuse  et  bien  dure,  qu'il  faut  que  l'Eglise  de  Dieu  soit  infectee  de  gens  qui  ne  valent  rien,  de  gens  desbordes,  ou  bien  qui  ne  cheminent  point  en  droiture,  mais  tant  y  ha  que  Dieu  nous  veut  exercer  par  ce  moien  ici.  Les  ennemis  de  la  verite  scauront  bien  faire  leur  profit  et  leur  avantage,  quand  il  y  en  aura  des  desbauches,  et  des  dissolus  qui  se  meslent  parmi  nous,  et  voila  que  c'est  de  tous  ceux  qui  demandent  avoir  l'Evangile,  c'est  seulement  pour  faire  et  pour  vivre  a  leur  plaisir,  iis  disent  qu'ils  tiennent  l'Evangile,  et  ne  scait-on  pas  bien  ce  qu'ils  cerchent?  qu'ils  ne  demandent  qu'a  reietter  toute  bride  et  subiection,  pour  mener  une  vie  desordonnee.  Voila  donc  comme  auiourd'huy  les  mali  ogs  blasphement  Dieu  et  sa  verite,  s'il  advient  qu'il  y  en  ait  beaucoup  qui  abusent  de  la  doctrine  de  l'Evangile,  mais  cela  n'est  point  nouveau,  et  pourtant  Dieu  nous  en  advertist  par  son  ange,  a  fin  que  nous  ne  soions  point  troubles  outre  mesure,  que  nous  surmontions  mesmes  un  tel  scandale:  voici  donc  un  passage  qui  est  bien  digne  d'estre  note,  et  qu'un  chacun  le  medite,  a  fin  que  quand  nous  verrons  gens  pervers,  gens  de  mauvaise  conscience  qui  feront  confession  de  l'Evangile,  et  puis  apres  qu'ils  seront  cause  que  le  nom  de  Dieu  sera  expose  aux  calomnies  des  meschans,  que  nous  soions  munis  contre  cela,  et  que  nous  despitions,  et  Satan,  et  toutes  les  machinations  qu'il  pourra  faire  contre  nous,  sachans  puis  que  Dieu  nous  veut  ainsi  humilier,  que  nous  ne  laisserons  point  d'estre  son  Eglise,  qu'il  ne  laissera  point  d'advouer  nostre  cause,  et  mesmes  a  fin  que  nous  entendions  mieux  que  vaut  ce  passage  ici,  et  comme  il  nous  le  faut  appliquer  a  nostre  usage:  ii  y  en  aura  beaucoup  qui  prendront  occasion  de  la  doctrine  de  l'Evangile,  de  s'adonner  a  tout  mal,  comme  s'il  leur  estoit  permis  de  vivre  comme  ils  voudront,  quand  ils  auront  reiette  le  ioug  du  Pape.  Exemple,  voila  le  Pape  qui  tient  les  consciences  en  une  tirannie  si  grande,  et  si  cruelle  que  rien  plus,  or  maintenant  nous  monstrons  comme  nous  avons  a  servir  Dieu,  que  Iesus  Christ  est  le  seul  maistre,  auquel  nous  devons  servir  et  obeir,  que  c'est  luy  qui  ha  toute  autorite  par  dessus  nous,  que  nous  pouvons  reietter  toutes  ces  abominations  qui  ont  este  inventees  des  hommes.  Il  y  en  aura  beaucoup  qui  prendront  la  moitie  de  nostre  doctrine,  et  bien  donc,  nous  sommes  affranchis  de  cette  subiection,  et  servitude  ou  nous  estions  sous  le  Pape,  il  ne  sera  plus  question  ne  de  se  confesser,  ne  de  faire  ceci  et  cela,  mais  ils  ne  regardent  point  a  l'autre  moitie  qui  est  in-