4:76  transforme  nos  ames  en  sa  sainctete,  les  dirige  tellement  a  nouvelles  pensees_  et  affections,  qu'on  puisse  dire  qu'elles  sont  autres  qu'elles  n'estoyent  auparavant.  Et  de  fait,l)  nous  sommes  naturellement  destournez  de  Dieu,  pour  ne2)  iamais  tendre  ny  aspirer  a  ce  qui""  est  bon  et  droit,  iusques  a  ce  que  nous  ayons  appris  de  nous  quitter.  Et  voila  pourquoy  tant  souvent  ii  nous  est  commande  de  despouiller  le  vieil  homme,  renoncer  au  monde  et  a  la  chair:  et  en  nous  retirans  de  nos  cupiditez,  de  mettre  peine  a  estre  renouvellez  de  l'esprit  de  nostre  entendement.  Et  ce  mot  de  Mortification  nous  advertit  combien  il  nous  est  difficile  d'oublier  nostre  naturel:  entant  qu'il  signifie  que  nous  ne  pouvons  pas  estre  pliez  ne  formez  a  la  crainte  de  Dieu,  ny  apprendre  les  rudimens  de  piete,  sinon  qu'estans  occis  du  glaive  de  l'Esprit,  avec  violence  nous  soyons  reduits  a  neant.  Comme  si  Dieu  prononcoit  qu'il  est  requis  que  nous  mourions,  et  soyons  aneantis  en  tout  ce  que  nous  avons,  devant  que  luy  nous  recoyve  ou  accepte  pour  ses  enfans.  ,  9.8)  L'une  et  l'autre  nous  vient  dc  la  communication  que  nous  avons  avec  Christ.  Car  si  nous  sommes  vrayement  participans  de  sa  mort,  par  la  vertu  d'icelle  nostre  vieil  homme  est  crucifie,  et  la  masse4)  de  peche  qui  reside  en  nous  est  mortifiee,  a  ce  que  la  corruption  de  nostre  premiere  nature  n'ait  plus  de  vigueur  (Rom.  6,  6).  Si  nous  sommes  participans  de  sa  resurrection,  par  icelle  nous  sommes  resuscitez  en  nouvellete5)  de  vie,  laquelle  respond  a  la  iustice  de  Dieu.  Pour  parler  donc  en  un  mot,  ie  dy  que  penitence  est  une  regeneration  spirituelle:  de  laquelle  le  but  est,  que  l'image  de  Dieu  qui  avoit  este  obscurcie  et  quasi  effacee  eu  nous  par  la  transgression  d'Adam,  soit  restauree.  Ainsi  l'appelle  l'Apostre,  quand  il  dit  qu'ayans  le  voile  oste,  nous  representons  la  gloire  de  Dieu,  estans  transformez  en  une  mesme  image,  de  gloire  en  gloire,  comme  par  l'esprit  de  Dieu  (2  Cor.  3,  18).  Item,  Soyez  renouvellez  en  vostre  ame,  et  vestez  le  nouvel  homme:  lequel  est  cree  selon  Dieu  en6)  iustice,  et  vraye  sainctete  (Ephes*  4,  23.  24).  Item  en  un  autre  lieu,  Ayant  vestu  le  nouvel  homme,  lequel  est  renouvelle  a  la  cognoissance  et  image  de  celuy  qui  l'a  cree  (Col.  3,  10)≫  Ainsi  donc  par  ceste  regeneration  nous  sommes  de  la  grace  de  Christ  reparez  en  la  iustice  de  Dieu;  de  laquelle  nous  estions  decheus  par  Adam:  comme  il  plaist  a  Dieu  de  restituer  en  leur  entier  tous  1)  Le  reste  du  §.  a  ete  ajoute  lors  de  la  derniere  redaetion.  2)  pour  ne  .  .  .  .  droit,  n'est  pas  dans  le  latin.  3)  1541  p  .  305  s.]  1545  p  .  505;  1551  s.  Ch.  IX.  §.  8.  4)  et  la  masse  .  .  .  .  mortifiee,  lek  latin  dit  simplement  i  et  peccati  corpus  emoritur.  5)  1562:  nouveaute.  6)  1551  ss.:  et.