39:76  dominetur  super  semen  Abrahae,  Isaac,  et  Iacob,  nunc  optime  coniungit  quae  videri  poterant  diversa.  Dicit  enim  semper  fore  aliquos  ex  posteris  Davidis,  qui  dominentur  super  omnes  tribus.  Ergo  hoc  modo  Deus  servavit  ecclesiam  suam  quum  regem  praefecit  toti  populo,  quia  non  poterat  regnum  separari,  ut  diximus,  a  populi  salute.  Tandem  addit,  Ego  enim  reducam  captivitatem  eorum.  Hic  occurrit  diffidentiae  populi.  Nam  in  promptu  erat  obiectio,  Quid  ergo  sibi  vult,  quod  decem  tribus  iam  abductae  sunt  in  longinquas  regiones  et  dispersae?  deinde  quod  pars  etiam  regni  Iehudah  abscissa  est,  et  quod  manet  reliquum  non  procul  abest  ab  interitu?  Deus  ergo  revocat  eos  ad  spem  liberationis,  ac  si  diceret  ipsos  perperam  agere,  quod  ita  festinent,  quia  debeat  manere  suspensa  eorum  exspectatio  usque  ad  finem  praescriptum,  nempe  usque  ad  septuaginta  annos,  quemadmodum  antea  vidimus.  Nam  antehac  propheta  adversus  impostores  concionatus  est,  qui  celerem  reditum  iactabant.  Dicit  igitur  patienter  ipsis  ferendum  esse  exsilium,  donec  tempus  maturum  liberationis  advenerit.  Et  fontem  ipsum  vel  causam  denotat  quum  dicit,  Ipsorum  miserebor,  ac  si  diceret  pendere  hanc  ipsam  salutem  quam  promittit  populo  a  gratuita  sua  misericordia.  CAPUT  TRIGES1MUM  QUARTUM.  1.  Sermo  qui  fuit  ad  Ieremiam  a  Iehovah,  quum  Nabuchadnezer  rex  Babylonis,  et  totus  exercitus  eius,  et  omnia  regna  terrae,  quae  sub  dominatione  manus  eius  erant,  et  omnes  populi  pugnarent  contra  Ierusalem  (hoc  est,  oppugnarent  Ierosolymam),  et  cunctas  urbes,  dicendo,  2.  Sic  dicit  Iehovah,  Deus  Israel,  Vade,  et  dices  Zedechiae  regi  Iehudah,  dices,  inquam,  illi,  Sic  dicit  Iehovah,  Ecce  ego  trado  urbem  hanc  in  manum  regis  Babylonis,  et  incendet  eam  igni.  Non  mirum  est,  neque  etiam  debet  censeri  inutile,  quod  propheta  saepius  eadem  repetit  quia  scimus  quanta  fuerit  durities  populi,  quocum  negotium  habebat.  Hic  igitur  narrat  se  missum  fuisse  ad  regem  Zedechiam,  quum  urbs  obsideretur  a  Nabuchadnezer,  et  toto  eius  exercitu.  Adiungit  propheta  circumstantias,  ex  quibus  colligere  licet  quam  formidabilis  fuerit  illa  obsidio,  quia  non  mediocres  tantum  copias  adduxerat  Nabuchadnezer,  sed  armaverat  multos  populos  et  diversos:  ideo  hic  propheta  diserte  exprimit  regna  terrae,  et  populos  qui  erant  sub  dominatione  eius.  Tunc  autem  Zede-