30:76  go  viva  nobis  in  hac  historia  repraesentetur:  ut  si  nos  ab  iis  quibuscum  vel  sanguine  vel  necessitudine  aliqua  iuncti  sumus  premi  et  affligi  aliqua  ratione  contigerit,  ne  novum  et  isolens  id  nobis  videatur,  aut  aegre  feramus,  quandoquidem  ea  fuit  omnium  saeculorum  consuetudo.  Caeterum  hic  etiam  observa,  Deum  fecisse  promissa,  quum  Saulem  elegit,  suoque  populo  regem  praefecit,  nempe  fore  illum  populi  assertorem.  Nam  etsi  non  erat  istud  regnum  Saulis,  id  quod  Deus  decreverat,  quemadmodum  deinceps  videbimus:  tamen  illud  partim  ratum  fecit,  quum  fortunavit,  et  malum  in  bonum  vertit.  Merebatur  enim  populi  petulantia  ut  Saul  tyrannidem  in  ipsum  exerceret,  et  in  horrendam  aliquam  confusionem  deveniret.  Sed  Deus  admiranda  et  inaestimabili  bonitate  Saulem  voluit  cum  populo  benigne  et  mansuete  agere,  donec  verum  regem  a  se  destinatum  Davidem  suscitasset:  ut  populum  ostenderet  vere  in  librum  vitae  ascriptum,  et  in  spem  regni  illius  aeterni  vocatum,  quod  in  Domino  nostro  Iesu  Christo  patefactum  est.  Iam  vero  procidamus  ete.  HOMILIA  LL  CAP.  XY.  1.  Et  dixit  Samuel  ad  Saul,  me^  misit  Dominus  ut  ungerent  te  in  regem  super  populum  eius  Israel,  nunc  ergo  audi  vocem  Domini.  2.  Haec  dicit  Dominus  exercituum.  Recensui  quaecunque  fecit  Amalec  Israeli,  quomodo  restitit  ei  in  via  cum  adscenderet  de  Aegypto.  3.  Nunc  ergo  vade  et  percute  Amalec  et  demolire  universa  eius:  non  parcas  ei,  sed  interfice  a  viro  usque  ad  mulierem  et  parvulum  atque  lactentem,  bovem  et  ovem,  camelum  et  asinum.  4.  Praecepit  itaque  Saul  populo,  et  recensuit  eos  quasi  agnos  ducenta  millia  peditum,  et  decem  millia  virorum  Juda.  5.  Quumque  venisset  Saul  usque  ad  civitatem  Amalec,  tetendit  insidias  in  torrente.  6.  Dixitque  Saul  Cinaeo:  Abite,  recedite,  atque  discedite  ab  Amalec  ne  forte  involvam  te  cum  eo,  tu  enim  fecisti  misericordiam  cum  omnibus  filiis  Israel,  quum  anscenderent  de  Aegypto.  Et  recessit  Ginaeus  de  medio  Amalec.  7.  Percussitque  Saul  Amalec  ab  Hevila,  donec  venias  ad  Sur,  quae  est  e  regione  Aegypti.  Insignis  explicanda  nobis  historia  sequitur,  in  qua  contemplemur  quantopere  salus  ecclesiae  Deo  cara  sit:  et  vicissim,  quanta  cura  et  studio  nos  oporteat  incumbere  in  mandatis  Domini  sine  contradictione  implendis:  ut  licet  nostri  sensus  abhorreant,  tamen  ipsius  voluntati  satisfaciamus.  Intoleranda  enim  arrogantia  illa  est,  quum  mortalis  audet  adversus  creatorem  obloqui:  et  sibi  aliquam