28:76  secours,  qu'un  chacun  s'y  employe  fidellement,  et  que  nous  taschions  d'avancer  ce  qui  est  de  Dieu,  et  d'aider  a  ceux  qui  le  cerchent,  et  qui  aspirent  a'  luy:  que  nous  taschions  (di-ie)  de  leur  assister,  et  de  les  inciter  de  poursuyvre  tousiours  plus  avant.  Quand  nous  n'en  ferons  ainsi,  il  est  certain  que  nous  serons  coulpables  d'avoir  este  lasches  envers  l'Eglise  de  Dieu.  Mais  par  plus  forte  raison  (comme  i'ay  dit)  quand  les  meschans  auront  conspire  de  tout  ruiner,  si  nous  leur  prestons  faveur  et  aide,  non  seulement  nous-nous  declairons  ennemis  manifestes  de  Dieu,  et  de  son  Eglise:  mais  nous-nous  declairons  estre  doubles  ennemis:  et  il  faudra  aussi  que  la  vengbance  soit  double  sur  nos  testes,  comme  il  nou^  est  ici  monstre.  LE  DEUXIESME  SERMON  SUR  LE  CHAP.  XXIII.  V.  3  -  6  .  DU  VENDREDI  17E  DE  IANVIER  1556.  Nous  vismes  hier,  combien  que  Dieu  n'eust  point  puni  du  premier  coup  la  malice  et  cruaute  des  Ammonites  et  Moabites,  toutesfois  que  cela  estoit  demeure  en  memoire  devant  luy.  Comme  quand  il  dissimule  les  pechez,  ce  n'est  pas  qu'il  les  ait  mis  en  oubli:  mais  que  tout  viendra  a  conte  en  temps  opportun.  Et  la  dessus  il  fut  remonstre  qu'il  ne  faut  point  que  ceux  qui  ont  failli  se  flattent  quand  Dieu  les  supporte,  et  que  du  premier  coup  il  ne  met  point  la  main  sur  eux:  mais  qu'ils  sachent  qu'il  les  convie  a  repentance,  quand  il  est  ainsi  patient:  voire  pour  voir  si  les  hommes  sentiront  leur  mal,  pour  s'y  desplaire.  Il  fut  declairo  quant  et  quant  pourquoy  Dieu  commandoit  aux  Israelites  d'executer  sa  vengeance,  et  en  quelle  sorte.  Or  maintenant  il  reste  de  voir  la  raison  qui  est  ici  contenue:  c1  est,  que  les  Ammonites  et  Moabites,  combien  qu'ils  fussent  sortis  des  Iuifs,  toutesfois  s'estoyent  declairez  ennemis  mortels,  pour  ies  empescher  de  parvenir  en  la  terre  de  Canaan.  Or  il  est  vray  que  ce  poinct-la  fut  encores  poise,  d'autant  que  ceux  qui  font  scandales  pour  divertir  les  enfans  de  Dieu  de  parvenir  a,  l'heritage  qui  leur  est  promis,  sont  a  bon  droict  condamnez  en  la  personne  des  Moabites  et  Ammonites.  Mais  maintenant  il  nous  faut  voir  ce  que  Moyse  touche  de  la  malediction.  Il  dit  :  Que  les  Moabites  avoyent  prins  Balaam  fils  de  Beor  a  loage,  pour  maudire  le  peuple.  Voici  le  moyen  dont  les  Moabites  ont  use,  pour  abolir  ceux  que  Dieu  avoit  esleus,  et  pour  leur  fermer  la  porte,  a  ce  qu'ils  ne  vinssent  point  en