27:76  luy  seulement  hommes  mortels:  mais  qu'il  nous  a  recueillis  pour  estre  son  peuple,  et  qu'il  a  este  enclin  a  cela  sans  qu'il  y  eust  nulle  apparence  de  nostre  coste.  Que  donc  nous  ayons  ce  memorial  ici  en  premier  lieu:  c'est  d'estre  comme  estonnez  de  la  vertu  que  Dieu  a  monstree,  pour  adorer  ce  qui  surmonte  nostre  petit  esse.  Et  cependant  cognoissons  que  c'est  le  moyen  duquel  Dieu  use  pour  susciter  son  Eglise,  c'est  assavoir  que  la  ou  il  n'y  a  rien,  qu'on  pense  que  tout  doive  estre  aboli,  on  est  tout  esbahi  que  la  chose  vient  tout  au  contraire:  comme  nous  en  avons  tant  d'experiences.  Il  est  vray  qu'encores  n'y  a-il  qu'une  poignee  de  gens  qui  recoivent  la  doctrine  de  l'Evangile,  en  comparaison  de  ceux  qui  la  reiettent:  mais  si  est-ce  que  iamais  on  n'eust  cuide  que  les  choses  se  fussent  estendues  si  loin.  Car  quand  Dieu  suscite  un  povre  Moyne,  voire,  et  d'une  cahuette:  qui  est-ce  qui  eust  pense  que  de  la  l'Evangile  deust  estre  estendu  au  long  et  au  large,  et  qu'il  y  eust  tant  de  gens  qui  s'y  fussent  rangez?  Apres  nous  voyons  qu'encores  que  tout  le  monde  conspire  d'opprimer  ceste  doctrine,  que  la  puissance  des  ennemis  soit  telle,  qu'il  semble  bien  qu'ils  doivent  tout  engloutir:  si  est-ce  que  Dieu  ne  laisse  pas  de  tousiours  augmenter  son  Eglise.  On  voit  la  cruaute  qui  se  commet  contre  tous  ses  enfans:  et  toutesfois  il  poursuit  tousiours.  Puis  donc  que  de  nostre  temps  Dieu  a  surmonte  l'esperance,  et  toute  la  phantasie  des  hommes,  cognoissons  qu'il  a  renouvelle  la  memoire  de  ce  qui  est  ici  dit  par  Moyse:  c'est  que  d'un  rien  il  a  voulu  establir  son  royaume  en  ce  monde,  en  sorte  qu'auiourd'huy  il  y  a  une  aussi  grande  multitude,  comme  il  y  avoit  de  ce  temps-la:  si  on  fait  comparaison  des  enfans  d'Abraham  avec  ceux  qiii  auiourd'huy  ont  quelque  cognoissance  de  l'Evangile,  il  est  certain  que  le  nombre  en  surmonte.  Et  ainsi  apprenons  de  magnifier  3a  bonte,  et  la  vertu  de  nostre  Dieu.  Et  cependant  sachons  que  nous  sommes  venus  de  rien,  afin  que  Dieu  ait  tant  plus  grand  lustre,  et  qu'on  cognoisse  que  c'est  luy  qui  a  estendu  sa  main,  et  qu'il  faut  que  le  tout  luy  soit  rapporte,  et  qu'il  en  soit  recogneu  l'autheur.  Voila  ce  que  nous  avons  a  noter  en  ce  passage.  Et  au  reste,  le  peuple  est  aussi  admonneste  de  ne  se  point  glorifier  en  sa  grandeur  :  comme  s'il  estoit  dit:  Vous  avez  obtenu  de  Dieu  tout  ce  que  vous  possedez:  ainsi  faites  luy  en  hommage  en  toute  humilite.  Quand  donc  nostre  Seigneur  nous  augmentera,  que  nous  aurons  quelque  prosperite  plus  grande  que  nous  n'avions  point  attendu:  que  cela  ne  nous  aveugle  point,  ni  aussi  nous  bande  les  yeux:  mais  que  nous  soyons  tousiours  admonnestez  de  ietter  nostre  veue  sur  la  main  de  Dieu,  qui  nous  avoit  promis  d'avoir  pitie  de  nous,  et  qu'il  l'a  aussi  monstre  par  experience.