26:76  quarante  ans,  il  voit  que  le  plus  difficile  reste,  il  cognoist  les  vices  qui  sont  au  peuple,  il  sait  la  vertu  qui  luy  est  donnee,  il  sait  l'authorite  qu'il  a  acquise  desia  de  longue  main:  voila  pourquoy  il  souhaitte  d'avoir  entree  en  la  terre.  Car  un  homme  aage  de  six  vingts  ans,  n'estoit  pas  addonne  a  ceste  vie  ici.  Et  sur  tout  nous  savons,  puis  que  desia  il  avoit  este  ravi  en  la  montagne,  qu'il  avoit  gouste  la  gloire  de  Dieu,  qu'il  n'estoit  pas  retenu  ni  en  delices  caduques,  ni  en  rien  qui  soit  du  monde.  Voila  donc  Moyse  qui  n'a  point  regarde  a  soy:  mais  il  vouloit  accomplir  son  office,  et  mettre  le  peuple  en  possession  de  cest  heritage  qui  luy  avoit  este  promis  :  et  par  ce  moyen  establir  le  service  de  Dieu  en  la  terre  saincte.  Qui  est-ce  qui  ne  dira  que  ce  desir-la  estoit  bon,  veu  qu'il  ne  tendoit  qu'a  glorifier  Dieu,  et  a  procurer  le  salut  de  tout  le  peuple?  voila  les  deux  principales  fins  que  nous  ayons  en  toute  la  vie  humaine.  Toutesfois  si  est-ce  que  Moyse  a  failli.  Et  pourquoy?  Car  il  resiste  a,  Dieu.  Ce  luy  devoit  estre  assez  d'avoir  ouy  que  Dieu  ne  se  vouloit  point  servir  de  luy  en  cest  endroit.  Combien  donc  que  ce  souhait  qu'il  propose  soit  excellent  en  soy,  combien  qu'il  tende  a  une  fin  bonne  et  iuste:  si  jest-ee  qu'il  ne  laisse  point  d'estre  coulpable.  La  raison?  Pource  qu'il  ne  s'assuietit  point  a  Dieu.  Nous  voyons  donc  ce  que  i'ay  desia  dit,  c'est  assavoir,  que  quelques  fois  nous  pourrons  avoir  de  belles  couleurs  pour  desirer  ceci,  et  cela:  mais  il  y  aura  de  l'excez:  voire,  et  de  faict  nous  n'obtiendrons  point  nos  requestes.  Pourquoy?  Il  faut  que  l'obeissance  precede,  et  sans  icelle  nous  ne  pouvons  bastir  qu'en  ruine  et  confusion.  Et  c'est  une  chose  bien  requise.  Car  les  hommes  ne  se  peuvent  tenir  d'estre  sages  en  leur  teste  :  et  quand  nous  trouvons  une  chose  bonne,  on  ne  nous  peut  persuader  le  contraire,  Dieu  ne  peut  rien  gagner  sur  nous  pour  avoir  maistrise.  D'autant  plus  nous  faut-il  mettre  peine  a  nous  tenir  du  tout  subiets,  afin  que  nous  ne  bastissions  rien,  sinon  ce  que  Dieu  approuve  :  et  que  nous  ayons  ce  but-la  devant  nos  yeux,  et  que  nous  y  soyons  pleinement  arrestez.  Or  si  ainsi  est  que  les  desirs  qui  de  leur  nature  sont  bons,  saincts,  et  louables,  sont  toutesfois  vicieux  et  condamnez  quand  ils  s'eslevent  a,  l'encontre  de  Dieu:  que  sera-ce  quand  nous  convoiterons  des  choses  mauvaises,  et  que  nous  lascherons  la  bride  a  nos  appetis  charnels?  Nous  voyons  ce  que  Dieu  nous  a  deffendu,  estre  mauvais,  et  neantmoins  nous  prendrons  licence  de  l'appetter:  y  a-il  excuse  en  cela?  Ainsi  pour  bien  faire  nostre  profit  de  ceste  doctrine,  notons,  que  quand  nos  souhaits  seroyent  de  prime  face  les  meilleurs  du  monde:  toutesfois  qu'il  nous  en  faut  abstenir,  sinon  qu'ils  soyent  agreables  a  Dieu.  Car  c'est  par  ce  bout  ou  il  nous  faut  commencer.  Et  au  reste,  que  si  nous  devons  corriger