21:76  le  medecin  mesmes,  assavoir  M.  Philibert  Sarazin,  estimoit  la  fin  en  estre  prochaine.  Toutesfois  Dieu  le  restaura  un  peu  apres  contre  toute  esperance.  Ainsi  furent  bien  trompez  aucuns  malins  gaudisseurs,  qui  suivant  leur  facon  de  parler  que  nous  avons  touchee  ci  dessus,  disoyent  alors:  II  s'en  faudra  un  pied  du  trepied.  La  mesme  annee  il  dedia  aux  Seigneurs  Syndiques  et  Conseil  de  Geneve,  son  Commentaire  sur  l'Evangile  selon  sainct  Iean.  Lors  aussi  on  commenca  a  exposer  en  la  Congregation  les  vendredis,  les  trois  Evangelistes  conioints  ensemble  par  maniere  de  Concordance.  En1)  ce  temps-la  Michel  Servet  (dont  il  a  desia  este  parle  ci  dessus)  Espagnol,  de  maudite  memoire,  survint,  non  pas  homme,  mais  plustost  un  monstre  horrible  compose  de  toutes  les  heresies  anciennes  et  nouvelles,  condamnant  le  Baptesme  [d  7]  des  petis  enfans:  et  sur  tout  execrable  blasphemateur  contre  la  Trinite,  et  nommement  contre  l'Eternite  du  Fils  de  Dieu.  Cestuy-ci  estant  arrive  en  ceste  ville,  et  recognu  par  aucuns  qui  l'avoyent  veu  ailleurs,  fut  saisi  par  le  Magistrat  le  13.  iour  d'Aoust,  a  cause  de  ses  blasphemes.  Et  la  dessus,  fut  tellement  et  si  vivement  combatu  par  Calvin  en  la  vertu  de  Dieu  et  de  sa  parole,  que  pour  toute  defense  il  ne  luy  demeura  qu'une  opiniastrete  indomtable:  a  raison  de  laquelle,  par  iuste  iugement  de  Dieu  et  des  hommes,  le  27.  iour  d'Octobre  il  fut  condamne  au  supplice  de  feu:  et  ainsi  finit  sa  malheureuse  vie  et  ses  blasphemes  qu'il  avoit  desgorgez  de  bouche  et  par  escrit,  l'espace  de  trente  ans  et  plus.  Or  il  n'est  ia  besoin  d'en  parler  davantage,  veu  qu'il  y  a  un  fort  beau  livre,  que  Calvin  en  composa  expressement  un  peu  apres,  assavoir  l'an  1554,  ou  il  monstre  que  lavraye  et  droite  foy  porte,  de  croire  trois  personnes  en  une  seule  essence  Divine,  refute  les  erreurs  detestables  de  ce  mal-heureux  Servet,  et  prouve  que  l'office  du  Magistrat  s'estend  iusques  a  reprimer  les  heretiques,  et  que  pourtant  a  bon  droict  ce  meschant-la  a  este  puni  de  mort  a  Geneve:  brief,  qu'il  portoit  des  marques  bien  certaines  de  reprobation.  Audit  an  1554,  il  print  pour  les  sermons  ordinaires  de  sa  sepmaine  le  livre  de  Iob,  qu'il  commenca  le  26.  iour  de  Fevrier.  Et  quant  aux  sermons  des  Dimanches,  tant  du  matin  que  du  soir,  ayant  lors  acheve  les  Actes  des  Apostres,  il  commenca  les  Epistres  aux  Thessaloniciens  le  25.  iour  de  Mars.  Apres  lesquelles  il  print  la  premiere  Epistre  a  Timothee,  le  16.  iour  de  Septembre.  En  la  mesme  annee  aussi,  ii  mit  en  lumiere  au  mois  de  Ianvier  son  Commentaire  sur  la  2.  partie  des  Actes  des  Apostres,  depuis  le  14.  chap.  iusques  a  la  fin:  et  au  mois  d'Aoust  son  Commentaire  sur  le  livre  de  1)  Premiere  reaaction  p.  4.