20:76  superest  disceptatio.  Nos  vero  Christi  capaces  negamus  esse  quos  diabolus  mancipatos  tenet  et  in  quibus  sedem  habet.  Neque  tamen  interea  reiicimus  loquendi  formam:  sacramento  tenus  ab  illis  Christum  recipi,  modo  ne  praeposteri  interpretes  Augustini  verba  depravent,  quibus  sacramentalis  esus  est  substantiae  perceptio  absque  gratia:  quod  insipidum  commentum  Augustino  incognitum  fuit.  Ratio  quam  adducunt,  ut  infirma  est,  nullo  negotio  refellitur.  Christum  venisse  obiiciunt,  non  modo  electis  in  salutem,  sed  reprobis  in  iudicium.  Nempe  sicut  evangelium  odor  est  mortis  in  mortem  pereuntibus  (2  Cor.  2,  16)  non  receptum  sed  reiectum.  Quis  enim  fando  unquam  audivit  mortiferam  esse  Christi  perceptionem  ?  Quod  si  incredulis  damnationis  materia  est  Christus,  quia  ab  ipsis  respuitur,  non  video  qui  conveniat,  eius  carnem  recipiendo  damnationem  sibi  accersere.  Excipiunt,  esse  nihilominus  bbseratos  ne  admittant  eius  gratiam.  Terum  ut  sibi  fidem  adstruant,  inprimis  commentum  istud  probare  necesse  est,  eos  qui  sunt  a  Christo  alienissimi  comedere  eius  carnem  quasi  exanimem  et  omni  sua  virtute  orbatam  et  vacuam.  Fideliter  et  absque  fuco  exposui  cur  tam  hostiliter  hodie  nobiscum  decertent  qui  se  iactant  esse  Lutheri  discipulos.  Qua  eadem  de  causa  Philippum  Melanchthonem  virum  ob  incomparabilem  rerum  optimarum  scientiam,  summam  pietatem  aliasque  virtutes  aetatum  omnium  memoria  dignum,  quem  sibi  magistrum  esse  antehac  professi  sunt,  nunc  diris  et  exsecrationibus  mortuum  devovent.  Ac  mirum  est,  ut  sibi  favorem  acquirant,  tam  superbe  Augustanae  confessionis  patrocinium  obtendere,  cuius  autor  ipse  maxime  idoneus  et  fidus  debuit  esse  interpres*  Turbulentos  rabulas  intelligo,  apud  quos  neque  humanitas  neque  pudor  ullus  viget.  Nam  qui  excellunt  in  illa  parte  aliquanto  modestius  sibi  temperant.  Et  tamen  iure  conqueri  mihi  licet  quosdam  illiberaliter  agere,  dum  nomen  meum,  quod  germanica  lingua  impetiverant,  in  latino  libro  expungunt.  3)  Hoc  quidem  surdo  maledicere  est.  Terum  illis  omissis  ad  tumultuosos  clamatores  redeo,  qui  fere  similes  sunt  phreneticis  Zelotis,  quorum  apud  Iosephum  fit  mentio,4)  quorum  intemperie  accensum  fuit  funestum  bellum  quo  consumpta  fuit  Iudaea.  Nullum  atrocius  reperiunt  maledictum,  quo  tuam  Celsitudinem  incessant,  illustrissime  Princeps,  quam  nomen  Calvinismi.  Unde  vero  tanta  odii  in  me  acerbitas,  non  obscura  est  coniectura.  Nam  quum  victoriae  eompendium  in  eo  positum  esse  duxerint,  si  oppresso  et  sepulto  causae  statu  perstringerent  simplicium  oculos,  nihil  mirum  si  urantur,  discussas  esse  ignorantiae  nebulas  in  qui-  3)  Alludit  ad  Merum.  Cf.  N.  3956.  3968.  4)  In  margine  legitur:  de  bello  Iudaico  1.14  et  5  (sic).