11:76  experturus  quos  semel  tanta  cribravit  violentia,  qua  demum  per  potentiorem  ipso  fortiores  atque  cautiores  evaserunt.  Haec  autem  sic  expedita  supervacuum  esset  scribere.  Multa  sunt  alia  longe  maioris  ponderis  ac  periculosiorem  portendcntia  exitum,  nisi  Dominus  populi  sui  misertus  ea  averterit  quae  intempestivum  sane  scribere  videtur.  Peculiaria  vero,  et  quae  tibi  communicata  esse  cupiam,  Farello  nostro  literis  aut  ipse  coram  lubenter  indicavissem,  si  istuc  profecturum  praescivissem.  Atque  utinam  id  saltem  remissionis  aliquando  nobis  concedat  Dominus,  ut  te  et  strenuos  verbi  Dei  ministros  qui  istic  sunt  invisere  liceat,  cum  quibus  unum  quod  D.  Capitoni  semel  exserui  rursus  conferrem.  De  praxi  medica  loquor  quae  a  sacrorum  studio,  quibus  lubentissime  totus  incumberem,  mire  me  avertit,  animum  angit  et  mentem  atque  memoriam  ita  retundit  ut  hebetiorem  reddat.  Nimirum  omnibus  perpetuo  expositus,  quumque  imperitiam  meam  per  tam  varias  distractiones  resarcire  non  licet,  assiduis  rerum  medicarum  revolutionibus  eo  maiore  animi  anxietate  velut  in  pistrinum  dedor,  empiricum  agere  coactus  magis  quam  rationalem  medicum.  Et  quia,  nescio  quo  nisi  Domini  consilio,  satis  feliciter  succedit,  eo  plures  confluunt  quotidie.  Corporis  quidem  molestias  et  labores  alioqui  devorare  non  renuo,  quum  ad  tuendam  valetudinem  mihi  necessaria  sit  vel  violenta  exercitatio,  verum  potiora  sectari  dona  cupio,  totumque  verbi  ministerio  me  committere  derelictis  mensis.  Utrique  vero  satisfacere,  tantum  abest  ut  in  me  situm  agnoscam,  ut  unum  alteri  nunquam  non  detrahat  et  paene  obsistat.  De  me  loquor,  cui  quam  curta  sit  suppellex  et  in  sacris  et  in  re  medica  non  solum  nosco  sed  et  erubesco,  malens  uni  diligentius  incumbere  quam  sic  invitum  ad  duo  mihi  impossibilia  adigi.  Nolim  tum  quidquam  meo  marte  aggredi,  sed  id  exsequor  quod  tuo  ac  piorum  fratrum  consilio  probatum  fuerit,  licet  in  hac  manens  ecclesia  id  praestare  esset  difficile,  migrare  autem  alio  nunquam  velim  citra  legitimam  vocationem,  quamvis  id  multum  cupiam.  De  mutuo  nostro  negotio  nihil  aliud  scribere  valeo  quam  quod  nuper  scripsi.  Non  solum  venalium  librorum  reliquias  distrahere  non  possumus,  sed  et  fratres  aliquot  multos  reddiderunt  quos  non  indicato  pretio  sibi  selegerant,  neque  pretio  a  Michaele  praescripto  vel  paulo  vilius  emere  volunt.  Ego  vero  mea  pecunia  iuxta  indictum  ab  eo  pretium  iam  ferme  exsolutos  retinere  malui,  quam  sic  necessarios  ac  utiles  libros  fere  pro  nihilo  tradere.  Quum  autem  dederit  Dominus,  quod  iustum  fuerit  adhuc  mittam.  Antapocham  10  \/  quos  primum  miseram  detrivi,  ea  contentus  quam  universalem  postremo  misistis.  Nec  existimate  eam  alia  ratione  a  vobis  petitam,  nisi  ut  totius  huius  expeditionis  absolutionem  et  testiinoniales  literas  vel  in  inditio  mihi  at-