10.1:76  in  communem  aulam  conveniunto.  Tum  si  quod  insigne  edendum  erit  publicum  exemplum,  editor  cum  gravitate  moderata,  praesente  ludimagistro  et  praeceptoribus  classium,  adiuncta  pro  ratione  criminis  admonitione.  Postea  orationem  dominicam,  fidei  confessionem  et  decalogum  terni  quotidie  per  vices,  magna  cum  attentione,  gallice  recitanto,  ac  tandem  discedentibus  ludimagister  bene  precatur.  Diebus  Mercurii  mane  (ita  ut  dictum  est)  sacram  concionem  audiunto.  A  prandio  ab  undecima  ad.  duodecimam  decuriatim  per  singulas  classes  distributi  modeste  disputanto.  Deinde  ad  tertiam  ludere  permittuntor,  ita  tamen  ut  omnis  petulantior  lascivia  vitetur.  A  tertia  ad  quartam  classici  bis  singulis  mensibus  declamationes  [pag  15]  in  communi  scholae  coetu  habento.  Duobus  reliquis  diebus  Mercurii  interiectis  aliquod  thema  pueris  omnibus  stylum  exercentibus  proponitor,  quod  postridie  emendetur.  Reliqui  inferiores  aliud  quippiam  pro  arbitrio  praeceptorum  agunto.  Deinde  ita  ut  dictum  est  dimittuntor.  Diebus  Sabbati  mane  totius  hebdomadis  praelectiones  repetunto.  A  prandio,  ab  undecima  ad  duodecimam,  nt  dictum  est,  disputanto.  Deinde  vacatio  a  studiis  ad  tertiam  usque  conceditor.  A  tertia  ad  quartam  pueri,  exceptis  duabus  classibus,  prima  et  secunda  (de  quibus  sigillatim  dicemus)  quae  postridie  ex  Catechismo  explicabuntur  recitanto,  et  familiariter  pro  captus  ratione  docentor.  Postea  uti  diximus  dimittuntor.  Diem  dominicum  integrum  sacris  audiendis  ac  meditandis  concionibus  impendunto.  Hebdomade  quae  Coenam  Domini  praecedet,  aliquis  ex  ministris  conciunculam  do  Coena  Domini  in  aula  communi  habeto,  et  omnes  ad  concordiam  ac  pietatem  hortator.  LEGES  SEPTIMAE  CLASSI  PECULIARES.  Hic  prima  literarum  elementa  cognoscere,  deinde  syllabas  componere  ex  latinogallico  abece-