9:759  759  CONFESSIONES.  760  sommes  iustifiez  par  la  seule  foy,  d'autant  qu'il  nous  faut  emprunter  d'ailleurs,  a  scavoir,  de  nostre  Seigneur  Iesus  Christ,  la  iustice  qui  nous  defaut,  et  non  pas  en  partie,  mais  du  tout  (Rom.  3,  27).  C'est  ce  qui  nous  donne  la  hardiesse  d'invoquer  Dieu:  car  sans  cela  nous  n'y  aurions  nul  acces,  selon  que  l'Escriture  enseigne,  que  nous  ne  serions  iamais  exaucez  en  inquietude  ou  en  trouble  (Hebr.  l  l  ,  6;  Iaq.  1,  6.  7).  Et  pourtant  nous  tenons  que  c'est  nostre  souverain  bien  et  repos,  que  d'estre  asseurez  de  la  remission  des  pechez  par  la  foy  que  nous  avons  en  Iesus  Christ  (Rom.  4,  6.  7):  veu  que  c'est  la  clef  qui  nous  ouvre  la  porte  pour  venir  a  Dieu.  Or  il  est  dit,  que  quiconque  invoquera  le  nom  de  Dieu  sera  sauve  (Ioel  2,  32).  Cependant,  selon  que  l'Escriture  nous  enseigne,  nous  adressons  nos  prieres  a  Dieu,  au  nom  de  nostre  Seigneur  Iesus  Christ,  lequel  s'est  fait  nostre  Advocat,  pource  que  sans  luy  nous  ne  serions  pas  dignes  d'avoir  [page  15]  acces  (Eph.  3,  12;  Hebr.  4,  16;  Iean  16,  24).  Et  ce  que  nous  ne  prions  pas  les  Sainctes  et  les  Saincts,  a  la  facon  commune,  ne  nous  doit  pas  estre  impute  a  vice,  1)  car  puis  qu'en  tous  nos  actes  il  nous  est  commande  d'avoir  nostre  conscience  resolue,  nous  ne  scaurions  garder  trop  grande  sobriete  en  oraison.  Nous  suyvons  aussi  la  reigle  qui  nous  est  donnee,  que  sans  l'avoir  cognu,  et  que  sa  parole  nous  ait  este  preschee,  pour  avoir  tesmoignage  de  sa  volonte,  nous  ne  le  pouvons  invoquer.  Or  toute  l'Escriture  nous  renvoye  a  luy  seul,  pour  le  prier.  Qui  plus  est,  il  estime  nos  oraisons  le  principal  et  souverain  Sacrifice,  par  lequel  nous  faisons  hommage  a  sa  Maieste,  selon  qu'il  le  proteste  au  Pseaume  50  (v.  14,  15)  et  ainsi  d'adresser  nos  prieres  aux  creatures,  et  vaguer  ca  et  la,  il  ne  nous  est  pas  licite,  de  peur  que  nous  ne  soyons  coulpables  de  sacrilege.  De  cercher  autres  patrons  ou  advocats  que  nostre  Seigneur  Iesus  Christ,  nous  n'estimons  pas  qu'il  soit  en  nostre  chois  ou  liberte.  Vray  est  que  nous  devons  prier  les  uns  pour  les  autres,  pendant  que  nous  conversons  icy  bas:  mais  de  recourir  aux  trespassez,  puis  que  l'Escriture  ne  le  monstre  point,  nous  ne  le  voulons  attenter,  de  peur  d'estre  coulpables  de  presomption.  Mesmes  les  abus  si  enormes,  qui  ont  eu  la  vogue,  et  ont  encores,  nous  advertissent  de  nous  contenir  en  telle  simplicite,  comme  en  des  bornes  que  Dieu  a  mises  pour  reprimer  toutes  [page  16]  curiositez  et  audace.  Car  il  s'est  forge  beaucoup  de  prieres  pleines  de  blasphemes  horribles,  comme  de  requerir  a  la  Vierge  Marie,  qu'elle  commande  a  son  Fils,  et  exerce  empire  par  dessus  luy:  de  la  nommer  le  port  de  salut,  vie  et  esperance  de  ceux  qui  se  conflent  en  elle.  Ce  que  nous  ne  prions  point  pour  les  trespas-  1)  faute.