23:759  759  SERMONS.  760  contraire  a  soy.  Or  esfc-il  ainsi  qu'il  m'a  declaire  que  i'auroye  semence  en  Isaac,  et  que  de  la  devoit  venir  le  Sauveur  du  monde:  il  faut  que  ie  retiene  cela.  Or  il  m'est  commande  a  ceste  heure  de  tuer  Isaac:  il  n'y  a  ordre,  car  il  faut  que  ce  que  i'ay  desia  receu  tiene.  Voila  comme  Abraham  se  fust  excuse,  tellement  qu'il  eust  este  rebelle  a  Dieu  sous  ombre  de  luy  obeir.  Mais  que  fai  t-il?  Il  considere  que  Dieu  est  puissant  pour  accomplir  ce  qu'il  luy  avoit  promis  touchant  Isaac.  Et  voire,  mais  quand  il  sera  mort,  que  sera-ce?  Ouy,  comme  si  Dieu  [pag.  254]  n'estoit  point  le  Seigneur  de  la  mort.  Voila  donc  le  vray  combat  de  la  foy  d'Abraham,  c'est  que  la  mort  se  presente  devant  ses  yeux:  et  c'estoit  pour  le  rendre  confus,  mais  il  eleve  la  puissance  de  Dieu  plus  haut,  et  dit:  Dieu  surmontera  encores  en  cest  endroit.  Et  comment?  Or  il  n'est  pas  question  que  l'homme  soit  ici  iuge  ni  arbitre,  ne  qu'il  lasche  la  bride  a  son  opinion,  ne  qu'il  mesure  la  puissance  de  Dieu:  mais  il  faut  qu'il  ferme  les  yeux,  et  qu'il  se  tiene  la,  pour  dire:  Dieu  besongnera  en  telle  sorte  qu'il  faudra  que  i'y  soye  estonne:  mais  maintenant  ce  n'est  pas  a  moy  de  m'enquerir  pourquoy,  ne  comment  il  veut  ainsi  besongner:  il  faut  que  ie  soye  comme  lie:  iusques  a  ce  que  Dieu  me  declaire  ce  qui  m'estoit  auparavant  incognu.  Et  cela  se  verra  tantost  plus  clairement  en  ce  mot  que  respond  Abraham  a  son  fils:  Mon  fils,  Dieu  y  pourvoira.  Nous  voyons  donc  maintenant  comme  nous  avons  a  honorer  Dieu,  quand  il  est  question  d'accepter  ses  promesses,  et  de  nous  y  tenir,  et  de  faire  une  bonne  resolution  de  suivre  par  tout  ou  il  nous  appele:  c'est  assavoir,  que  nous  sachions  que  les  issues  de  mort  sont  en  sa  main,  comme  il  est  dit  au  Pseaume:  Et  quand  nous  ne  verrons  que  des  Abysmes  devant,  qu'il  semblera  qu'ils  nous  doyvent  engouffrer:  toutesfois  que  nous  rnarchions  la  ou  Dieu  nous  [pag.  255]  appele.  Or  il  dit  notamment  qu'Abraham  a  baste  son  asne,  qu'il  a  mis  le  bois  dessus  avec  la  provision,  et  qu'il  s'en  est  alle  avec  deux  serviteurs  et  son  fils.  Ici  Moyse  exprime  plus  specialement  ce  qui  a  este  touche  ci-dessus,  c'est  assavoir,  que  Dieu  a  examine  la  foy  d'Abraham  iusques  au  bout,  quand  il  l'a  ainsi  tenu  en  suspen.  C'estoit  assez  qu'Abraham  coupast  le  bois,  et  qu'il  marchast  seulement  quelque  iect  d'arc  pour  tuer  son  fils:  mais  il  faut  qu'il  se  mette  en  chemin,  ne  sachant  ou  il  doit  aller,  et  puis  la  nuit  vient  qui  apporte  tousiours  avec  soy  plus  de  fascherie  et  de  chagrin.  Quand  nous  avons  desia  quelque  tristesse  et  quelque  sollicitude,  il  est  certain  que  le  mal  se  redouble  de  nuit.  Or  il  faut  qu'Abraham  en  endure,  et  qu'il  soit  agite  de  toutes  parts.  Et  bien,  est-il  leve  le  matin?  c'est  encores  a  recommencer.  Le  iour  il  void  son  povre  fils,  lequel  il