9:758  Ainsi  nous  ne  presumons  de  nostre  franc  arbitre,  ni  de  nostre  vertu  et  faculte,  mais  plustost  confessons  que  nos  bonnes  oeuvres  ne  sont  que  purs  dons  de  Dieu.  Or  nous  entendons  que  nous  sommes  faits  participans  de  tous  ses  biens  par  le  moyen  de  la  Foy:  car  c'est  celle  qui  nous  fait  communiquer  a  Iesus  Christ,  afin  qu'il  habite  en  nous,  que  nous  soyons  entez  en  luy  comme  en  nostre  racine,  que  nous  soyons  membres  de  son  corps,  que  nous  vivions  en  luy,  et  luy  en  nous,  et  que  nous  le  possedions  avec  tous  ses  biens.  Et  afin  qu'il  ne  soit  trouve  estrange  que  nous  attribuons  telle  vertu  a  la  foy,  nous  ne  la  prenons  pas  pour  une  opinion  volage,  mais  pour  une  certitude  que  nous  avons  des  promesses  de  Dieu,  ausquelles  tous  ces  biens  sont  contenus  :  [page  13]  afin  d'embrasser  nostre  Seigneur  Iesus  comme  le  gage  de  tout  nostre  salut,  et  appliquer  a  nostre  usage  ce  qu'il  a  receu  de  Dieu  son  Pere  pour  nous  departir,  et  mesmes  nous  cognoissons  que  nous  ne  la  pouvons  avoir  si  elle  ne  nous  est  donnee  d'en  haut,  et  comme  l'Escriture  le  tesmoigne,  quand  nous  sommes  illuminez  par  le  S.  Esprit,  pour  comprendre  ce  qui  est  par  dessus  tout  sens  humain,  et  qu'il  seelle  en  nos  coeurs  ce  qu'il  nous  faut  croire  (Eph.  2,  8  et  1,  18).  Or  combien  qu'estans  appellez  a  faire  bonnes  oeuvres,  nous  produisions  les  fruicts  de  nostre  vocation,  comme  il  est  dit  que  nous  sommes  rachetez  afin  de  servir  a  Dieu  en  sainctete  et  iustice  (Luc.  1,  75):  toutesfois  nous  sommes  tousiours  enveloppez  de  beaucoup  d'infirmitez  cependant  que  nous  vivons  en  ce  monde.  Qui  plus  est,  toutes  nos  pensees  et  affections  sont  tellement  entachees  de  vices,  qu'il  ne  scauroit  proceder  de  nous  quelque  oeuvre  digne  d'estre  acceptee  de  Dieu.  Ainsi  tant  s'en  fault  qu'en  nous  efforcant  a  bien  faire,  nous  puissions  rien  meriter,  que  nous  serons  tousiours  redevables:  car  Dieu  trouvera  a  bon  droit  a  redire  en  tout  ce  que  nous  ferons,  et  il  ne  promet  loyer  sinon  a  ceux  qui  ont  accompli  sa  Loy  (Deut.  18,  5;  Ezech.  20,  l  l  ;  Gal.  3,  12;  Rom.  10,  5):  dont  nous  sommes  bien  loin.  Voyci  doncques  comment  nous  cognoissons  que  tous  merites  sont  abbatus:  c'est  que  non  seulement  nous  defaillons  en  l'accomplissement  parfait  [page  14]  de  la  Loy,  mais  aussi  qu'en  chacun  acte  il  y  a  quelque  mauvaise  tache  et  vicieuse.  Nous  scavons  bien  qu'on  a  enseigne  communement  de  reparer  les  fautes  qu'on  aura  commises  par  satisfactions:  mais  pource  que  l'Escriture  nous  enseigne  que  nostre  Seigneur  Iesus  Christ  a  satisfait  pour  nous  (Gal.  3,  13  et  4,  5;  Tite  2,  14;  1.  Pierre  1,  18  s.),  nous  ne  pouvons  pas  nous  reposer  ailleurs  qu'au  Sacrifice  de  sa  mort  par  lequel  l'ire  de  Dieu  est  appaisee,  laquelle  nulles  creatures  ne  scauroyent  soustenir.  Et  c'est  pourquoy  nous  tenons  que  nous  48*