9:757  757  CONFESSIONES.  758  eternelle  de  Dieu,  ne  tiennent  conte  de  parvenir  par  le  droit  chemin  a  la  vie  qui  nous  est  promise:  mais  plustost  nous  tenons  que  pour  estre  advouez  enfans  de  Dieu,  et  en  avoir  droite  certitude,  il  nous  faut  croire  en  Iesus  Christ,  d'autant  que  c'est  en  luy  seul  qu'il  nous  faut  cercher  toute  la  matiere  de  nostre  salut.  Et  premierement  nous  croyons  que  sa  mort  a  este  le  sacrifice  unique  et  perpetuel  pour  nous  reconcilier  a  Dieu,  qu'en  icelle  nous  avons  pleine  satisfaction  de  toutes  nos  offenses,  par  son  sang  nous  sommes  lavez  de  toutes  nos  ordures,  et  par  ce  moyen  nous  appuyons  toute  nostre  fiance  sur  la  remission  de  nos  pechez  qu'il  nous  a  acquise,  et  non  pas  seulement  pour  [page  l  l  ]  une  fois,  mais  pour  tout  le  temps  de  nostre  vie,  pour  laquelle  raison  aussi  il  est  appelle  nostre  iustice  (1.  Cor.  1,  30).  Et  tant  s'en  faut  que  nous  presumions  de  nos  merites,  que  nous  confessons  en  toute  humilite  que  si  Dieu  regarde  ce  qui  est  en  nous,  il  ne  trouvera  qu'a  nous  condamner.  Ainsi  nous  n'avons  autre  refuge  pour  estre  asseurez  de  sa  grace,  que  sa  pure  misericorde,  en  tant  qu'il  nous  recoit  au  nom  de  son  Fils  hien-aime.  Mais  d'autant  que  nos  pechez  ne  nous  sont  point  pardonnez  pour  nous  donner  licence  de  mal  faire:  mais  plustost  comme  il  est  dit  au  Pseaume  (130,4):  Dieu  nous  est  propice  afin  que  nous  soyons  induits  a  le  craindre  et  reverer:  nous  tenons  aussi  que  la  grace  qui  nous  est  apparue  en  Iesus  Christ  se  doit  rapporter  a  la  fin  que  dit  S.  Paul:  c'est  que  renoncant  a  toute  impiete  et  desir  de  ce  monde,  nous  cheminions  en  sainctete  de  vie,  aspirant  a  l'esperance  du  Royaume  des  cieux  (Tite  2,  12).  Parquoy  le  sang  de  Iesus  Christ  n'est  pas  nostre  lavement,  afin  de  nous  faire  croupir  en  nos  souilleures:  mais  plustost  pour  nous  attirer  a  vraye  purete.  En  somme  estans  enfans  de  Dieu,  il  faut  que  nous  soyons  regenerez  par  son  Esprit.  Et  voyla  pourquoy  il  est  dit  que  nostre  Seigneur  Iesus  est  venu  pour  destruire  le  Royaume  du  diable  (1.  Iean  3,  8),  qui  est  le  Royaume  d'iniquite:  d'autant  qu'il  ne  nous  est  pas  seulement  donne  pour  Mediateur,  afin  de  nous  faire  obtenir  pardon  de  nos  pechez:  [page  12]  mais  aussi  pour  nous  sanctifier,  qui  vault  autant  a  dire,  comme  nous  dedier  au  service  de  Dieu,  nous  retirant  des  pollutions  de  ce  monde.  Ainsi  nous  ne  pouvons  estre  Chrestiens,  que  nous  ne  soyons  nouvelles  creatures,  formez  a  bonnes  oeuvres,  lesquelles  Dieu  a  preparees  afin  que  nous  cheminions  en  icelles  (2.  Cor.  5,  17;  Eph.  2,  10):  voire  pource  que  de  nous  mesmes  nous  n'y  serions  pas  disposez  :  mais  que  le  vouloir  et  execution  nous  sont  donnez  de  Dieu,  et  toute  nostre  suffisance  est  de  luy  (Phil.  2,  13;  2.  Cor.  3,  5),  et  pour  ceste  cause  nostre  Seigneur  Iesus  a  receu  toute  plenitude  de  graces,  a  fin  que  nous  puisions  de  luy  (Col.  1,  19;  Iean  1,  16).