23:757  757  SERMONS.  758  sainct  esprit  demeure  eternellement  avec  vous,  Amen.  LE  SECOND  SERMON,  DU  LUNDI  DIXIEME  IOUR  DE  IUIN,  MILLE  CINQ  CENS  SOIXANTE.  En  Genese  au  chapitre  vingtdeuxieme.  Abraham  se  levant  de  matin  sangla  son  asne,  et  print  avee  soy  deux  de  ses  serviteurs,  et  Isaac  son  fils,  et  coupa  le  bois  pour  l'holocauste:  et  partit  et  vint  au  lieu  que  Dieu  luy  avoit  dit.  Le  troisieme  iour  Abraham  leva  ses  yeux,  et  vit  le  lieu  de  loing:  et  dit  a  ses  serviteurs:  Demouree  ici  avec  V  asne,  moy  et  T  enfant  irons  iusques  la  pour  adorer,  et  puis  nous  retournerons  a  vous.  Abraham  donc  print  le  bois  de  l'holocauste,  et  le  mit  sur  Isaac  son  fils.  Il  print  en  sa  main  le  feu  et  le  glaive,  et  marcher  ent  ensemble.  Isaac  dit  a  son  pere:  Mon  pere,  et  luy  respondit:  Me  voici,  mon  fils,  il  luy  dit  [pag.  250];  Voici  le  bois  et  le  feu,  mais  ou  est  la  beste  pour  offrir?  Et  Abraham  respondit:  Dieu  se  pourvoira  de  beste  pour  l'holocauste,  mon  fils.  Ainsi  ils  marcher  ent  outre  ensemble.  Nous  avons  veu  que  c'a  este  le  combat  principal  et  le  plus  difficile  que  iamais  Abraham  a  soustenu  en  toute  sa  vie,  que  d'aller  en  la  montagne  pour  offrir  son  fils  en  holocauste  :  car  il  falloit  en  premier  lieu  qu'il  le  tuast  de  sa  main  propre.  Or  la  dessus  nous  avons  monstre  qu'en  nostre  pere,  Dieu  nous  a  declaire  qu'il  nous  faut  surmonter  toutes  affections  de  nature,  tellement  que  son  honneur  soit  prefere  a  tout  le  reste.  Si  un  mari  aime  sa  femme,  un  pere  ses  enfans,  il  faut  que  tout  cela  soit  mis  sous  le  pie  quand  il  est  question  du  service  de  Dieu  :  car  c'est  une  chose  trop  precieuse.  Nous  avons  aussi  declaire  qu'Abraham  n'a  pas  ebte  tente  seulement  en  ce  que  Dieu  luy  commandoit  d'occir  son  fils,  mais  en  ce  qu'il  sembloit  bien  que  toutes  les  promesses  qu'il  avoit  receues  auparavant  fussent  comme  abolies:  car  elles  dependoyent  toutes  de  ce  que  nous  [pag.  251]  avons  veu,  que  la  semence  benite  devoit  estre  suscitee  en  Isaac.  Il  semble  donc,  que  Dieu  ait  voulu  frustrer  Abraham.  Or  tant  y  a  combien  qu'on  pourroit  iuger  selon  son  sens  que  Dieu  se  contrarie,  et  que  ce  commandement  qui  luy  est  fait  estoit  pour  casser  et  aneantir  tout  ce  qu'il  avoit  ouy  auparavant,  qu'il  a  neantmoins  ceste  constance  d'obeir  simplement  a  Dieu,  sans  s'enquerir  plus  outre.  Or  il  sembleroit  de  prime  face  que  ce  qu'il  fait  ne  fust  point  fonde  en  une  vraye  foy,  car  la  foy  se  rapporte  aux  promesses.  Or  tant  y  a  (comme