9:756  et  quelle  est  la  facon  de  le  bien  et  deuement  servir.  Il  y  a  puis  apres  les  dependances:  a  scavoir,  quel  est  le  vray  estat  de  l'Eglise,  l'office  des  Prelats  et  Pasteurs,  la  nature,  vertu  et  usage  des  Sacremens.  Pour  bien  cognoistre  en  quoy  consiste  le  vray  salut  des  hommes,  il  faut  scavoir  quel  est  leur  estat  et  condition.  Or  nous  tenons  ce  que  l'Escriture  enseigne,  que  tout  le  genre  humain  a  tellement  este  corrompu  par  la  cheute  d'Adam,  que  de  nature  nous  sommes  tous  damnez  et  perdus,  non  pas  seulement  par  la  coulpe  d'autruy:  mais  pource  que  des  le  ventre  de  la  mere  nous  sommes  pecheurs,  et  que  Dieu  [page  9]  nous  peut  iustement  condamner,  encores  qu'il  n'y  ait  point  d'acte  apparent  par  lequel  nous  ayons  deservy  condamnation.  D'avantage  nous  tenons  que  le  peche  originel  est  une  corruption  espandue  par  nos  sens  et  affections,  en  sorte  que  la  droite  intelligence  et  raison  est  pervertie  en  nous,  et  sommes  comme  povres  aveugles  en  tenebres,  et  la  volonte  est  subiette  a  toutes  mauvaises  cupiditez,  pleine  de  rebellion  et  adonnee  a  mal.  Bref,  que  nous  sommes  povres  captifs  detenus  sous  la  tyrannie  de  peche  :  non  pas  qu'en  mal  faisant  nous  ne  soyons  poussez  par  nostre  volonte  propre,  tellement  que  nous  ne  scaurions  reietter  ailleurs  la  faute  de  tous  nos  vices,  *)  mais  pource  qu'estans  issus  de  la  race  maudite  d'Adam,  nous  n'avons  pas  une  seule  goutte  de  vertu  a  bien  faire,  et  toutes  nos  facultez  sont  vicieuses.  De  la  nous  concluons  que  la  source  et  origine  de  nostre  salut  est  la  pure  misericorde  de  Dieu:  car  il  ne  se  trouvera  en  nous  aucune  dignite  dont  il  soit  induit  a  nous  aimer.  Nous  aussi  estans  mauvais  arbres  ne  pouvons  porter  aucun  bon  fruict,  et  par  ce  moyen  ne  pouvons  prevenir  Dieu  pour  nous  acquerir  ou  meriter  grace  envers  luy:  mais  il  nous  regarde  en  pitie  pour  nous  faire  mercy,  et  n'a  autre  occasion  d'exercer  sa  misericorde  en  nous,  que  nos  miseres.  Mesmes  nous  tenons  que  ceste  bonte  laquelle  il  desploye  envers  nous,  procede  de  ce  [page  10]  qu'il  nous  a  esleuz  devant  la  creation  du  monde  ne  cherchant  point  la  cause  de  ce  faire  hors  soy-mesme  et  son  bon  plaisir.  Et  voyla  nostre  premier  fondement,  que  nous  sommes  agreables  a  Dieu  d'autant  qu'il  luy  a  pleu  nous  adopter  pour  ses  enfans  devant  que  nous  fussions  nays,  et  par  ce  moyen  il  nous  a  retirez  par  privilege  singulier  de  la  malediction  generale  en  laquelle  tous  hommes  sont  plongez.  Mais  pource  que  le  conseil  de  Dieu  est  incomprehensible,  nous  confessons  que  pour  obtenir  salut  il  nous  faut  venir  au  moyen  que  Dieu  a  ordonne:  car  nous  ne  sommes  point  du  nombre  des  fantastiques,  qui  sous  ombre  de  la  predestination  1)  la  faute  de  nos  pechez.