23:756  sant  tous  povres  ignorans  de  la  captivite  d'erreur  et  tenebres  a  la  droicte  voye  de  salut.  Que  pour  ce  faire  il  luy  plaise  susciter  vrais  et  fideles  ministres  de  sa  parole,  qui  ne  cerchent  point  leur  profit  et  leur  ambition,  mais  l'exaltation  de  son  S.  nom  tant  seulement,  et  le  salut  de  son  povre  troupeau.  Au  contraire,  qu'il  vueille  exterminer  toutes  sectes,  heresies  et  erreurs,  qui  sont  semences  de  troubles  et  divisions  en  son  peuple:  a  fin  que  nous  vivions  en  bonne  concorde  fraternelle  tous  ensemble.  Qu'il  vueille  conduire  par  son  S.  Esprit  tous  Rois,  Princes  et  superieurs,  qui  ont  le  gouvernement  de  son  glaive:  a  fin  que  leur  domination  ne  [pag.  247J  soit  point  en  avarice,  cruaute  et  tyrannie,  ni  en  autre  mauvaise  affection  desordonnee,  mais  en  bonne  iustice  et  droicture.  Que  nous  aussi  vivans  sous  eux  leur  rendions  l'honneur  et  l'obeissance  qui  leur  appartient,  et  que  par  le  moyen  d'une  bonne  paix  et  tranquilite,  nous  servions  a  Dieu  en  toute  sainctete  et  honneste.  Qu'il  vueille  consoler  tous  povres  affligez,  lesquels  il  visite  par  diverses  manieres  de  croix  et  tribulations:  les  peuples  qu'il  afflige  par  peste,  guerre,  famine  ou  par  ses  autres  verges:  les  personnes  batues  de  povrete,  prison,  maladie,  bannissement,  ou  autre  calamite  de  corps  ou  affliction  d'esprit,  qu'il  leur  donne  a  tous  bonne  patience,  iusques,  a  ce  qu'il  leur  envoye  plein  allegement  de  leurs  maux.  Singulierement  qu'il  vueille  avoir  pitie  de  tous  ses  povres  fideles,  qui  sont  dispersez  en  ceste  captivite  de  Babylone,  sous  la  tyrannie  de  l'Antechrist:  mesmes  qui  souffrent  persecution  pour  le  tesmoignage  de  sa  verite:  qu'il  les  fortifie  en  vraye  constance,  qu'il  les  console,  et  qu'il  ne  permette  point  aux  meschans  et  loups  ravissans,  d'executer  leur  rage  alencontre  d'eux:  mais  qu'il  leur  donne  une  vraye  constance  a  ce  que  son  sainct  nom  soit  glorifie  par  eux,  et  en  la  vie  et  en  la  mort.  Qu'il  vueille  fortifier  toutes  ses  povres  Eglises,  qui  travaillent  auiourd'huy  et  [pag.  248]  sont  assaillies  pour  la  querele  de  son  nom.  Qu'il  renverse  et  destruise  les  conseils,  machinations  et  entreprises  de  tous  ses  adversaires,  a  ce  que  sa  gloire  reluise  par  tout,  et  que  le  Royaume  de  nostre  Seigneur  Iesus  Christ  soit  augmente  et  avance  de  plus  en  plus.  Nous  le  prierons  de  toutes  ces  choses  ainsi  que  nostre  bon  Maistre  et  Seigneur  Iesus  Christ  nous  a  enseigne  de  prier,  disant  Nostre  Pere  qui  es  es  cieux,  etc.  Nous  prierons  aussi  ce  bon  Dieu  nous  donner  vraye  perseverance  en  sa  sainte  foy,  l'augmenter  de  iour  en  iour  en  nous  de  laquelle  nous  ferons  confession,  disant:  Ie  croy  en  Dieu  le  Pere,  etc.  La  benediction  sur  le  Peuple  apres  le  Sermon.  La  grace  de  Dieu  le  Pere,  et  la  paix  de  nostre  Seigneur  Iesus  Christ  par  la  communication  du