9:755  755  CONFESSIONES.  756  nos  deffenses,  nostre  cause  seroit  du  tout  opprimee  par  telles  calomnies.  Yray  est  que  la  Confession  de  Foy  des  Eglises  de  France  a  laquelle  nous  adherons,  pouvoit  aucunement  remedier  a  ce  mal:  car  puis  qu'elle  a  este  deux  fois  solennellement  presentee  au  Roy  nostre  souverain  Seigneur,  on  peult  la  voir  clairement  quel  est  le  sommaire  de  nostre  Foy.  Et  sans  cela  nous  n'eussions  pas  tant  attendu  a  nous  purger  des  fausses  detractions  qui  nous  sont  mises  sus:  non  pas  que  iamais  la  bouche  des  mesdisans  puisse  estre  close,  mais  d'autant  que  nostre  devoir  est  de  mettre  peine  et  toute  diligence  a  ce  que  nostre  integrite  soit  cognue,  pour  n'estre  point  en  scandales  [page  7],  ains  par  plus  forte  raison  que  la  pure  simplicite  de  nostro  Foy  soit  cognue,  afin  que  les  malins  n'ayent  la  bouche  ouverte  pour  blasphemer  contre  la  verite  de  l'Evangile.  Parquoy  nous  avons  avise,  Sire,  d'adresser  ce  brief  sommaire  a  vostre  Maieste,  et  a  vos  excellences,  tres-illustres  Princes  :  afin  que  la  foy  que  nous  tenons  soit  testifiee  par  la  signature  de  nos  propres  mains.  Et  comme  nous  desirons  d'estre  en  bonne  reputation  vers  vostre  Maieste,  Sire,  pour  la  reverence  que  nous  luy  portons,  et  aussi  envers  vous,  tres-illustres  Princes:  nous  supplions  humblement  et  prions  que  ceste  Confession  ait  acces  pour  estre  ouye  et  entendue  benignement.  En  premier  lieu,  nous  protestons  qu'en  tous  les  articles  qui  ont  este  decidez  par  les  Conciles  anciens,  touchant  l'essence  infinie  spirituelle  de  Dieu,  et  la  distinction  des  trois  personnes,  et  l'union  des  deux  natures  en  nostre  Seigneur  Iesus  Christ:  nous  recevons  et  accordons  ce  qui  en  a  este  la  resolu,  comme  estant  tire  de  l'Escriture  saincte,  sur  laquelle  seule  nostre  foy  doit  estre  fondee:  comme  il  n'y  a  nul  autre  tesmoin  propre  et  idoine  pour  nous  resoudre  quelle  est  la  Maieste  de  Dieu  que  luy-mesmes.  Mais  comme  nous  tenons  le  Vieil  et  le  Nouveau  Testament  pour  la  seule  reigle  de  nostre  foy,  aussi  nous  acceptons  tout  ce  qui  [page  8]  y  est  conforme:  comme  de  croire  qu'il  y  a  trois  personnes  distinctes  en  la  seule  essence  de  Dieu,  et  que  nostre  Seigneur  Iesus  estant  vray  Dieu  et  vray  homme,  a  tellement  un  y  les  deux  natures  en  soy,  qu'elles  ne  sont  point  confuses.  Sur  quoy  nous  detestons  toutes  les  heresies  qui  ont  este  iadis  condamnees,  tant  des  Arrians,  Sabellians,  Eunomians  et  leurs  semblables,  que  des  Nestorians  et  Eutychians.  Et  ia  Dieu  ne  plaise,  que  nous  soyons  entachez  de  ces  resveries  lesquelles  ont  trouble  l'Eglise  Catholique  du  temps  qu'elle  estoit  en  sa  purete.  Parquoy  tous  les  differens  que  nous  avons  sont,  sur  quoy  doit  estre  appuyee  la  fiance  de  nostre  salut:  comment  nous  devons  invoquer  Dieu,