23:755  755  SERMONS.  756  que  chose?  Si  son  maistre  se  repose,  il  sera  la  dispose  pour  ouyr  ce  que  son  maistre  luy  voudra  commander:  Fay  ceci:  Va  t'en  la.  Ainsi  donc,  Abraham  monstre  qu'il  ne  s'est  point  adonne  a  soy  ni  a  ses  affections  propres:  mais  qu'il  s'estoit  tellement  dedie  a  Dieu,  que  tout  ce  qu'il  avoit  aussi  estoit  de  mesmes.  Et  il  ne  dit  point  ceci  par  hypocrisie,  comme  plusieurs  pourront  bien  dire  de  bouche:  Me  voici:  et  cependant  ils  ne  laisseront  pas  de  se  retirer  loin  de  Dieu.  Mais  quand  Abraham  a  dit:  Me  voici,  il  proteste  en  cela  qu'il  est  ici  devant  Dieu:  ou  apres  il  proteste  qu'il  avoit  et  pieds  et  mains,  et  yeux  et  oreilles,  et  tous  ses  sens,  et  toutes  les  parties  de  son  corps  et  de  son  ame  appareillees  pour  servir  a  Dieu  et  a  plier  sous  [pag.  245]  son  ioug,  et  pour  aller  par  tout  ou  il  sera  envoye.  Voila  donc,  ce  que  nous  avons  a  retenir  de  nostre  pere  Abraham  :  et  ainsi  cognoissons  que  sans  ce  but-ci  nous  ne  ferons  qu'errer  en  toute  nostre  vie,  comme  i'ay  dit.  Nous  pourrions  avoir  des  vertus  les  plus  louables  du  monde,  nous  pourrions  estre  estimez  comme  des  Anges:  mais  tout  ne  sera  rien,  sinon  que  nous  sachions  que  Dieu  nous  void  et  qu'il  veut  que  nous  tendions  tousiours  a  luy.  Et  cependant  aussi  quand  il  nous  fera  tourner  d'un  coste  et  d'autre,  et  que  nous  aurons  a  travailler  et  a  ahanner  iusques  au  bout,  que  nous  ne  laissions  pas  tousiours  de  nous  retenir  en  son  obeissance  et  suiection,  pour  dire,  Seigneur,  me  voici,  quoy  qu'il  en  soit:  et  que  nous  despitions  tous  les  obstacles  qui  nous  empeschent  et  nous  peuvent  retarder,  toutes  les  dificultez,  les  molestes  et  combats  qui  nous  seront  suscitez:  que  nous  despitions,  di-ie,  tout  cela,  a  fin  que  nous  poursuivions  tousiours  nostre  chemin,  iusqu'a  ce  que  nous  soyons  parvenus  au  but,  auquel  Dieu  nous  appelle:  c'est  assavoir,  que  nous  soyons  delivrez  de  tous  nos  combats,  pour  iouir  du  repos  celeste.  PRIERE.  Or  nous-nous  prosternerons  devant  la  maieste  de  nostre  bon  Dieu,  en  cognoissance  de  nos  fautes:  le  priant  qu'il  nous  les  face  tellement  sentir  que  ce  soit  pour  nous  y  [pag.  246]  desplaire  et  nous  en  despouiller  de  plus  en  plus,  et  estre  tellement  revestus  de  sa  iustice  qu'il  domine  pleinement  en  nous,  et  que  par  ce  moyen  nous  declarions  que  vrayement  nous  sommes  siens  comme  il  nous  a  si  cherement  acquis:  et  que  Iesus  Christ  estant  mort  et  resuscite  nous  a  aussi  acquis  a  soy,  pour  nous  faire  participans  de  sa  gloire,  et  pour  nous  conduire  tousiours,  et  en  la  vie  et  en  la  mort.  L'Autheur  fait  aussi  ceste  Priere  a  la  fin  de  ses  predications  du  Lundi,  Mardi,  Jeudi,  Vendredi,  et  Samedi:  Et  que  non  seulement  il  nous  face  ceste  grace,  mais  a  tous  peuples  et  nations  de  la  terre,  redui-