23:753  753  SERMONS.  754  ayes  lo  glaive  desgaine,  et  la  main  levee  pour  luy  couper  la  gorge.  Or  apres  cela  Abraham  ne  pouvoit-  il  pas  estre  estime  un  bourreau  ?  et  par  ce  moyen  susciter  la  rage  de  tous  ses  voisins  a  lencontre  de  luy,  pour  dire,  Comment?  que  ce  meschant-  ci  soit  alle  tuer  son  propre  fils!  Voila  un  insense,  voila  un  demoniaque:  ne  faut-il  pas  que  ceste  rage-la  soit  plus  que  diabolique?  Voila  donc  comme  devant  Dieu  il  a  este  confus,  et  devant  le  monde  detestable.  Mais  ce  n'est  pas  encores  assez,  Pren  ton  fils,  dit-il.  Et  qu'en  feray-ie?  Pren-le,  et  le  va  sacrifier.  Et  ou  le  meneray-ie?  En  quelque  montagne  que  ie  te  diray.  Or  qu'il  faille  qu'Abraham  languisse  ainsi,  et  outre  ce  qu'il  faut  qu'il  tue  son  fils,  qu'il  soit  ainsi  pourmene  par  long  chemin,  et  qu'il  aille  ne  sachant  ou,  ni  ayant  aucune  adresse:  que  Dieu  le  tiene  la,  non  pas  seulement  le  bec  en  leau,  mais  en  une  gehenne  si  horrible  qu'il  nous  est  impossible  de  la  bien  mediter,  comme  il  appartient:  ne  voila  point  des  choses  qui  surmontent  tout  sens  humain?  Car  comme  au  [pag.  241]  paravant  il  luy  avoit  este  dit,  qu'en  sortant  du  lieu  de  sa  naissance  il  ne  savoit  pas  ou  Dieu  le  vouloit  admener:  aussi  maintenant  le  lieu  ne  luy  a  este  point  assigne,  sinon:  Tu*  t'en  iras  en  la  terre  de  Moria:  qu'il  faut  qu'il  sorte  du  lieu  ou  il  a  vescu  en  telle  vieillesse:  comme  nous  avons  desia  veu  qu'il  estoit  fort  ancien.  Va,  dit-il,  et  quand  tu  seras  la  venu,  alors  ie  te  declaireray  ou  ie  veux  que  tu  sacrifies  ton  fils.  Ici  donc,  nou��  voyons  comme  en  toutes  sortes,  Dieu  a  tellement  sonde  le  coeur  de  son  serviteur,  que  toutes  les  tentations  que  nous  pourrions  amasser  ne  seront  rien  au  pris:  quand  nous  aurons  fait  comparaison  ce  ne  sera  rien  de  tont  ce  que  nous  pouvons  endurer  au  regard  de  ce  que  nous  voyons  ici.  Nous  voyons  que  Dieu  espargne  merveilleusement  nostre  infirmite,  quand  il  ne  nous  admene  pas  iusques  la.  S'il  est  question  d'une  maladie  que  nous  avons  a  endurer,  nous  aurons  quelques  regrets  pour  nous  faire  despiter  alencontre  de  Dieu.  Si  le  mari  trespasse,  la  femme  sera  tellement  desolee  qu'il  n'y  aura  que  murmures  et  impatiences.  Sie  Dieu  oste  a  quelqu'un  son  enfant,  encores  qu'il  en  ait  plusieurs,  il  n'y  aura  siuon  des  regrets  et  des  pleurs  excessifs  pour  se  despiter,  et  que  seroit-ce  si  Dieu  nous  admenoit  iusques  la,  qu'il  fallust  tuer  ses  propres  enfans?  comme  il  en  est  ici  parle:  qu'il  [pag.  242]  n'y  demourast  rien,  et  que  la  maison  fust  du  tout  raclee  ?  Et  encores  qu'ainsi  fust,  ce  ne  seroit  rien  au  pris  d'Abraham.  Car  les  enfans  que  Dieu  donne  auiourd'huy  ne  sont  pas  le  fondement  de  nostre  salut:  nous  ne  laisserions  pas  d'avoir  nostre  Seigneur  Iesus  Christ,  le  Fils  unique  de  Dieu,  encores  que  toute  science  humaine  perisse:  mais  recognoissons  que  Dieu  nous  supporte,  ayant  pitie  de  nostre  Calvini  opera.  Vol  XXIII.