23:751  751  SERMONS-  752  les  tentations  ne  nous  doyvent  point  sembler  ameres,  mais  plustost  douces,  d'autant  que  nostre  Seigneur  les  raporte  a,  nostre  salut,  et  qu'il  s'en  sert  tellement  que  son  nom  est  glorifie  :  et  que  nous  profitions  aussi  de  plus  en  plus,  voire  si  nous  savons  regarder  a  l'issue.  Or  en  ceste  tentation-ci,  comme  nous  avons  touche,  Abraham  est  navre  mortellement,  comme  si  Dieu  le  vouloit  ietter  au  plus  profond  abysme  du  gouffre  de  desespoir  qu'on  puisse  imaginer.  Mais  cependant  il  l'a  soustenu:  car  Abraham  selon  l'infirmite  de  l'homme  fust  defailli  mille  fois  quand  Dieu  luy  commande  de  tuer  son  fils.  Mais  encores  ce  n'est  pas  le  tout  qu'Abraham  soit  contraint  de  prendre  l'espee  pour  tuer  son  fils  propre.  Mais  il  y  a  une  tentation  beaucoup  plus  grieve,  qui  est  bien  a  noter,  et  de  laquelle  il  ��era  parle  plus  a  plein  :  mais  encore  maintenant  si  faut-il  que  nous  en  soyons  advertis.  Car  il  n'est  pas  question  qu'un  enfant  qui  est  bien  aime,  qui  est  le  fils  unique,  meure,  et  qu'il  meure  d'une  mort  violante  devant  les  yeux  du  pere,  et  que  le  pere  mesmes  luy  coupe  la  gorge.  Ce  n'est  pas  encores  le  tout  que  cela,  mais  il  est  question  du  salut  qu'Abraham  attendoit  [pag.  237].  Quand  les  hommes  tueroyent  leurs  enfans,  ce  ne  seroit  rien  au  pris.  Car  il  n'y  a  celuy  qui  cognoisse  son  enfant  pour  son  sauveur:  mais  combien  qu'Isaac  ne  fust  pas  le  sauveur  d'Abraham,  tant  y  a  qu'il  cognoit  que  de  luy  viendra  le  Sauveur  du  monde.  Ou  est-ce  donc  qu'Abraham  cerche  toute  sa  iustice,  tout  son  bien  et  tout  son  salut,  si  ce  n'est  en  la  personne  d'Isaac,  c'est  a  dire,  en  celuy  qui  en  doit  proceder?  Or  Isaac  est-il  mort?  voila  le  monde  perdu  et  damne,  voila  le  diable  qui  regne,  et  qui  a  la  vogue  par  tout.  Voila  Dieu  qui  est  ennemi  des  hommes  et  de  toutes  creatures.  Il  n'y  a  plus  que  Tire  et  la  vengeance  de  Dieu  qui  est  enflammee  comme  un  feu  pour  tout  devorer:  tant  y  a  qu'il  faut  que  cest  Isaac  soit  tue  de  la  main  d'Abraham,  voire  d'Abraham,  qui  avoit  receu  ceste  promesse  de  Dieu  :  Ie  te  donneray  un  fils  qui  aura  une  telle  benediction  en  luy,  que  tous  les  hommes  auront  leur  salut  en  la  grace  que  ie  luy  feray.  Cependant  il  faut  que  cestuy-la  meure.  Voila  donc  comme  i'ay  desia  dit,  l'enfer  qui  est  ouvert,  et  faut  que  le  diable  domine  en  telle  sorte  que  tout  soit  abysme.  Ce  n'est  plus  rien  de  toutes  les  promesses  de  salut,  puis  que  celuy  qui  devoit  apporter  la  vie  de  toutes  creatures,  s'en  va  a  la  mort.  Et  ou  est-ce  aller?  Il  n'est  pas  question  ici  de  navrer  d'afflictions  et  de  douleurs  selon  l'homme  le  coeur  d'Abraham:  mais  [pag.  238]  il  est  question  d'occir  sa  foy  et  toute  l'esperance  qu'il  avoit  conceu  de  son  salut.  Il  semble  que  Dieu  luy  vueille  faire  fouler  au  pie  tout  ce  qu'il  luy  avoit  donne  d'attente  de  sa  grace  et  de  sa  bonte:  brief,  il  semble  qu'il  se  soit  moque