23:750  deguiser,  et  contrefaire  en  ces  feintises:  il  faut  que  tout  soit  clair  et  patent  devant  Dieu.  Les  livres  ne  sont  pas  encores  ouverts:  mais  tant  y  a  que  Dieu  cognoit  et  iuge  ce  qu'il  manifestera  au  dernier  iour.  Il  n'a  pas  donc  besoin  qu'il  nous  sonde  et  espreuve,  car  il  sait  ce  qui  est  en  nous:  mais  ceci  se  rapporte  a  la  probation  de  nostre  foy.  Car  comme  nous  avons  declaire,  Dieu  ne  veut  pas  que  ses  dons  soyent  inutiles:  il  veut  les  appliquer  en  usage,  a  fin  qu'il  en  soit  glorifie:  et  que  nous  ayons  aussi  dequoy  pour  nous  confermer  tant  mieux,  voyans  bien  comme  il  nous  prise:  et  selon  que  nous  sommes  patiens,  que  nous  bataillons  vaillamment  contre  tous  les  assauts  de  Satan  et  du  monde  :  et  que  nous  experimentans  par  cela  que  Dieu  est  avec  nous,  et  qu'il  nous  aime.  Ainsi  donc,  nous  avons  dequoy  pour  l'invoquer  en  tant  plus  grande  fiance,  et  avoir  nostre  refuge  a  luy  pour  estre  appuyez  sur  sa  bonte,  et  ne  douter  point  de  son  secours  iusqu'a  la  fin.  Voila  donc,  en  somme  pourquoy  Dieu  nous  esprouve,  c'est  assavoir,  qu'il  veut  que  les  dons  qu'il  a  mis  en  nous  soyent  appliquez  et  qu'ils  servent,  a  fin  que  sa  vertu  soit  cognue  entre  les  hommes,  et  sa  puissance,  bonte  et  sagesse:  et  qu'il  en  soit  glorifie,  comme  il  le  merite:  et  c'est  a  fin  sur  tout,  que  nous  cognoissions  sa  bonte  [pag.  235]  paternelle  envers  nous,  et  que  nous  soyons  tant  plus  incitez  a  l'honorer  et  a  nous  adonner  pleinement  a��  luy:  et  cependant  que  nous  ayons  aussi  dequoy  nous  y  fier.  Yoila  comme  Abraham  a  este  tente,  comme  aussi  auiourd'huy  Dieu  tente  ses  fideles.  Car  si  nous  demourions  a  nostre  aise,  et  qu'il  ne  nous  coustast  rien  de  servir  a  Dieu,  quelle  approbation  y  auroit-il  de  nostre  foy?  Et  davantage  en  quoy  pourroit-on  discerner  les  vrais  enfans  de  Dieu,  et  ceux  qui  s'adonnent  a  luy  en  simplicite  de  coeur  d'avec  les  hypocrites?  Il  faut  donc  que  nous  passions  parmi  les  tentations  comme  l'or  et  l'argent  parmi  la  fournaise.  Et  voila  pourquoy  aussi  S.  Pierre  dit,  que  c'est  bien  raison  que  nostre  foy  soit  examinee.  Car  d'autant  que  l'or  et  Targent  sont  precieux,  il  faut  qu'ils  soyent  esprouvez  par  le  feu.  Et  tant  y  a  que  ce  sont  des  metaux  corruptibles:  mais  nostre  foy  qui  est  beaucoup  plus  excellente  sera-elle  enrouillee,  et  ensevelie  sous  terre,  et  qu'on  ne  recognoisse  point  la  gloire  de  Dieu  en  icelle?  Non,  mais  il  faut  qu'elle  soit  examinee.  Et  pourtant  ne  trouvons  point  estrange  si  nostre  Seigneur  nous  traitte,  en  sorte  que  le  diable  ait  la  bride  avallee  pour  nous  induire  a  mal:  que  les  meschans  aussi  nous  tormentent,  et  que  nous  ayons  aussi  d'autres  tentations  interieures  en  nous:  brief,  quand  nous  serons  exercez  en  quelque  [pag.  236]  facon  que  ce  soit,  cognoissons  que  nous  avons  besoin  que  nostre  Seigneur  de  son  coste  nous  mette  en  avant  ce  qui  avoit  este  cache,  et  incognu.  Yoila  pourquoy