8:75  75  DE  SCANDALIS.  76  adversarii,  dum  eam  dissolutae  licentiae  insimulant,  propterea  quod  tam  atrocibus  malis  corrigendis  [pag.  97]  legitimum  coniugium  permittat.  Rumpantur  licet,  qui  coactum  papalis  cleri  caelibatum  ementitis  laudibus  ornare  non  cessant,  in  maxima  tamen  parte  foedissimam  omnis  spurcitiae  abyssum  esse  constat:  in  iis  autem  qui  continentes  videntur,  nihilominus  impuram  lacunam1)  esse  dico.  Talibus  scilicet,  quum  occultib  libidinum  flammis,  tum  manifestis  flagitiis  diabolicam  illam  audaciam  ulciscitur  Deus,  quod  contempto  coniugii  beneficio,  instar  gigantum  babylonicas  moles  exstruunt,  quibus  naturam  et  Deum  expugnent.  Atque  ita  fieri  oportuit,  ut  saltem  discerent  homines,  eam  demum  esse  veram  castitatem,  quam  nobis  Dei  regula  praescribit.  Nos  autem  quia  belluinas  lascivias,  quarum  nullus  est  modus  in  papatu,  cohibemus  fraeno  coniugali,  proposita  carni  libertate,  modestiam  omnem  solvere  dicimur.  Et  quid  mirum:  quum  et  Christo  et  Paulo  simile  quiddam  exprobratum  fuerit:  ac  si  data  opera  legis  iugum  solverent,  ut  sua  hominibus  voluntas  pro  lege  e≪set?  Neque  enim  tam  sollicite  purgarent  .suam  doctrinam  a  calumniis,  nisi  hostium  improbitate  et  virulenta  protervia  coacti.  Caeterum,  quicunque  sunt  sanabiles,  eos  brevi  ista  excusatione  placatos  esse  confido,  ne  scandalum  sibi  ex  tam  levi  frivolaque  materia  fabricent.  Habet  istud  quoque  aliquid  coloris:  doctrinam  nostram  cum  vetustate  et  saeculorum  omnium  consensu  pugnare.  Itaque  in  eo  se  maxime  papistae  iactant2)  praesertim  ubi  inflatis  tibiis  alta  illa  patrum  et  ecclesiae  nomina  insonant.  Quoniam  satis  notum  est,  quam  odiosa  sit  et  suspecta  in  religione  novitas,  imperitos  a  doctrina  nostra  absterrent  eiusmodi  praetextu.  Et  fateor  certe,  si  quidquam  novum  afferatur,  minime  esse  audiendum.  Sed  huius  criminis  nulla  [pag.  98]  melior  est  aut  certior  purgatio  )  quam  quod  nihil  recipi  volumus,  nisi  claris  solidisque  scripturae  testimoniis  probatum.  Atque  in  hoc  bobus  et  asinis,  qui  praesepe  saltem  suum  agnoscunt,  stupidiores  esse  papistas  apparet:  qui  quum  novitium  sibi  Deum  fabricaverint,  ita  unum,  verum  et  aeternum  obliti  sunt,  ut  nulla  illis  coelestium  oraculorum  antiquitas  sapiat.  Excipiunt  tamen  scripturam  falso  a  nobis  obtendi,  qui  totum  veteris  ecclesiae  consensum  evertere  conemur.  Trita  quidem  inter  eos  calumnia,  sed  tam  putida,  ut  in  eius  refutatione  multum  temporis  consumere  pigeat.  Deinde  ad  eam  rem  longum  volumen  necessarium  esset.  Et  libri  nostri  abunde  testantur,  si  veterum  quaerantur  suffragia,  illis  causam  nostram  adiuvari  magis  quam  premi.  Quum  satis  constet  nihilo  1)  une  caverne  d'ordures  secrettes.  2)  les  papistes  en  savent  bien  faire  leurs  choux  gras.