7:75  75  BRIEVE  INSTRUCTION  76  cestuy  la  resiste  au  sainct  Esprit,  qui  repugne  ouvertement  h  la  verite  de  Dieu,  et  s'efforce  comme  par  despit,  tant  que  il  peut,  de  la  renverser.  1)  Or  un  homme  peut  bien  pecher  a  son  escient,  qui  toutesfoys  ne  voudroit  nullement  faire  la  guerre  a  Dieu,  ni  blasphemer  contre  sa  parolle.  Mais  nous  aurons  une  brieve  vuydenge2)  et  facile  de  ceste  question,  remettant  a  Dieu  la  decision  d'icelle:  c'est  a  dire  acquiessant  a  ce  qu'il  en  a  prononce,  comme  la  raison  le  veut.  Oar  puis  qu'il  s'est  reserve  a  luy  seul  l'authorite  de  pardonner  les  pechez:  c'est  a  luy  aussi  de  determiner  quelz  pechez  sont  remissibies  ou  non.  Or  du  commencement  il  a  ordonne  qu'entre  le  peuple  d'Israel  il  y  eust  deux  especes  de  sacrifices  quotidiens:  les  uns  pour  les  pechez  voluntaires,  les  [page  54]  autres  pour  ceux  qui  seroyent  commis  par  ignorance:  adioustant  la  promesse  de  pardonner  tant  les  premiers  que  les  secondz  (Lev.  4  et  5).  Que  diront  ces  povres  phantastiques  a  cela?  Nostre  Seigneur  prononce,  qu'il  remettra  les  pechez  voluntaires  a  ses  fideles  (car  les  sacrifices  se  faisoyent  pour  ceux  qui  estoyent  desia  membres  de  l'Eglise)  et  eux  ilz  veulent  lier  les  mains  de  Dieu,  et  empescher  qu'il  ne  face  telle  misericorde.  S'ilz  repliquent  que  cela  s'est  faict  en  la  Loy  ancienne,  et  qu'il  y  a  autre  raison  pour  nostre  temps,  ceste  cavillation  est  trop  frivole.  Oar  on  sait  que  la  bonte  infinie  de  Dieu  n'a  pas  este  restraincte  par  la  venue  de  nostre  Seigneur  Iesus;  mais  plustost  eslargie.  D'avantage  nous  savons  que  les  sacrifices  anciens  n'ont  este  sinon  figures  de  ce  qui  devoit  estre  accomply  en  Iesus  Christ.  Quand  donc  la  remission  des  pechez  voluntaires  est  representee  aux  sacrifices  anciens,  et  est  dict,  qu'elle  sera  faicte  aux  domestiques  de  la  foy:  c'est  un  tesmoignage  tout  clair  et  certain  que  les  fideles  obtiennent  par  le  moyen  de  Iesus  Christ  remission,  non  seulement  de  leurs  ignorances,  mais  aussi  des  offenses  commises  a  leur  escient.  Et  de  faict,  nous  en  avons  tant  d'exemples,  que  c'est  une  grande  impudence  de  [page  55]  revoquer  la  chose  en  doute.  Si  nous  prenons  l'ancien  Testament,  les  Patriarches,  en  conspirant  la  mort  de  leur  frere,  n'ont  pas  ignore  que  ce  fust  mal  faict  (Gen.  37,  18).  Ruben  n'a  pas  contamine  le  lict  de  son  pere  par  simplesse  (Gen.  35,  22).  Iuda  estoit  bien  adverty  que  paillardise  estoit  chose  desplaisante  a  Dieu,  et  toutesfoys  ne  laissa  pas  d'en  user  (Gen.  38,  16  s.).  David  qui  punissoit  iournellement  les  malefices  en  ses  subiectz,3)  ne  pouvoit  pas  commettre  l'adultere  1)  Le  traducteur  ajoute:  quasi  Deo  certamen  indicere  videretur.  2)  vuydence  1545  s.;  vuidange  1611  (facile  expedietur  haec  quaestio).  3)  les  malefices  en  ses  subiectz,  en  latin  simplement:  sontes.