58:75  75  CINQUIEME  SERMON  76  recitee,  pour  en  bien  faire  nostre  profit.  Or  i'ay  dit  en  premier  lieu,  que  Dieu  a  voulu  ici  comme  signer  son  election  en  la  personne  de  Iacob:  qu'il  a  monstre  aussi  en  la  personne  d'Esau  que  c'est  de  ceux  qui  sont  abandonnez  de  lui.  H  est  certain  que  si  Iacob  n'eust  este  gouverne  par  l'Esprit  de  Dieu,  il  eust  du  tout  ressemble  a  son  frere  Esau.  Mais  il  nous  faut  voir  comment  l'Esprit  de  Dieu  lui  a  este  donne  plustost  qu'a  Esau:  nous  ne  trouverons  pas  ceste  diversite-la,  sinon  en  la  bonte  gratuite  de  Dieu.  Ainsi  donc,  cognoissons  que  Iacob  a  este  conduit  d'une  affection  sainte,  d'autant  que  Dieu  l'avoit  retenu  du  nombre  et  du  rang  de  ses  enfans:  comme  aussi  Saint  Paul  dit,  Que  nous  sommes  la  facture  de  Dieu,  creez  a  bonnes  oeuvres,  lesquelles  il  a  apprestees.  Il  ne  parle  point  la  de  tous  hommes  en  general.  Il  est  vray  que  Dieu  nous  a  tous  creez  indifferemment:  mais  il  y  a  une  creation  nouvelle  en  ceux  que  Dieu  reforme,  et  lesquels  il  purge  de  leurs  cupiditez  meschantes,  afin  de  les  renger  a  lui,  et  qu'ils  se  conforment  a  sa  iustice,  qu'ils  ne  demandent  sinon  de  l'honorer,  et  de  le  servir  purement.  Voila  donc  une  creation  seconde,  que  Dieu  fait  en  ses  enfans.  Ainsi  donc,  cognoissons  que  si  Dieu  nous  tend  la  main  pour  nous  monstrer  le  chemin  de  salut,  qu'il  nous  donne  le  courage  d'y  marcher,  et  qu'il  nous  fortifie  aussi  en  perseverance,  qu'alors  il  monstre  que  son  election  n'est  pas  vaine,  ni  frivole,  qu'elle  a  son  effect  et  sa  vertu.  Au  reste,  quand  il  nous  abandonne,  et  que  nous  sommes  esgarez  en  toute  nostre  vie,  que  nous  mettons  le  salut  de  nos  ames  en  oubli:  cognoissons  que  la  il  declare  sa  malediction  sur  nous.  Et  ainsi,  aprenons  de  trembler  toutesfois  et  quantes  que  nous  voions  des  hommes  ainsi  assopis  en  brutalite,  en  sorte  qu'ils  ne  cognoissent  nullement  leur  condition,  ni  a  quoy  ils  sont  creez,  ne  pourquoy  Dieu  les  a  mis  au  monde  :  quand  nous  voions  cela,  il  nous  faut,  di-ie,  trembler,  et  prier  Dieu  qu'il  ne  permette  pas  que  nous  soions  ainsi  alienez  de  lui  :  mais  qu'il  nous  retiene,  et  qu'il  nous  garde  tousiours,  et  qu'il  imprime  en  nos  coeurs  une  telle  certitude  de  l'esperance  qu'il  nous  a  donnee,  que  nous  portions  en  cela  une  droite  marque  de  son  election:  comme  si  on  piaque  un  peu  de  cire  sur  le  seau,  la  forme  du  seau  demeurera  en  son  entier,  mais  la  cire  en  a  la  figure  et  l'image.  Ainsi,  quand  nostre  Seigneur  engrave  par  son  saint  Esprit  en  nos  coeurs  sa  crainte,  et  une  obeissance  telle  envers  lui,  que  luy  doivent  rendre  ses  enfans,  c'est  comme  s'il  mettoit  le  seau  de  son  election,  et  qu'il  monstrast  qu'il  nous  a  vrayement  adoptez,  et  qu'il  nous  est  Pere,  d'autant  que  nous  avons  l'arre  de  son  adoption  gratuite,  c'est  assavoir  le  saint  Esprit.  Or  venons  maintenant  a  ce  qui  est  ici  deduit  par  le  menu.  Il  est  dit,