56:75  75  GENESE.  76  et  leurs  beufs,  et  tout  ce  qui  est  a  eux,  sont  venus  de  la  terre  de  Chanaan,  et  les  voici  en  la  terre  de  Gosen.  2.  Et  de  la  compagnie  de  ses  freres  il  en  preint  cinq,  et  les  presenta  devant  Pharao.  3.  Et  Pharao  dit  aux  freres  d'iceluy,  De  quel  mestier  e8tes-vous?|  Ils  respondirent  a  Pharao,  Tes  serviteurs  sont  pasteurs,  tant  nous  que  nos  peres.  4.  Derechef  dirent  a  Pharao,  Nous  sommes  venus  pour  habiter  au  pays:  car  il  n'y  a  point  de  pasture  pour  les  brebis  qui  sont  a  tes  serviteurs,  et  si  a  grieve  famine  en  la  terre  de  Chanaan:  maintenant  donc  nous  te  prions,  que  tes  serviteurs  habitent  en  la  terre  de  Gosen.  5.  Et  Pharao  parla  a  Ioseph,  disant,  Ton  pere  et  tes  freres  sont  venus  vers  toy.  6.  Le  pays  d'Egypte  est  a  ton  commandement,  fay  habiter  ton  pere  et  tes  freres  en  la  meilleure  terre.  Qu'ils  demeurent  en  la  terre  de  Gosen.  Et  si  tu  cognois  qu'entr'eux  il  y  ait  gens  vertueux,  tu  les  constitueras  maistres  des  troupeaux  qui  sont  miens.  7.  Lors  Ioseph  amena  Iacob  son  pere  et  le  presenta  devant  Pharao,  et  Iacob  salua  ledit  Pharao.  8.  Et  Pharao  dit  a  Iacob,  Quels  sont  les  ans  de  ta  vie?  9.  Iacob  respondit  a  Pharao,  Le  temps  de  ma  peregrination  est  de  cent  trente  ans:  les  iours  de  ma  vie  ont  este  cours  et  mauvais,  et  ne  sont  point  parvenus  aux  ans  de  la  vie  de  mes  peres,  au  temps  de  leurs  peregrinations.  10.  Et  Iacob  benit  Pharao,  et  sortit  de  devant  luy.  ll.  Et  Ioseph  assigna  a  son  pere  et  a  ses  freres  lieu  pour  habiter,  et  leur  donna  possession  au  pays  d'Egypte,  en  la  meilleure  terre,  assavoir  de  Rameses,  comme  avoit  commande  Pharao.  12.  Et  Ioseph  nourrit  son  pere,  et  ses  freres,  et  toute  la  maison  de  son  pere,  de  pain  comme  petis  enfans.  13.  Et  il  n'y  avoit  point  de  pain  en  toute  la  terre:  car  la  famine  estoit  tresgrieve,  dont  la  terre  d'Egypte  et  la  terre  de  Chanaan  avoyent  fort  a  faire  pour  la  famine.  14.  Et  Ioseph  recueillit  tout  Targent  qui  fut  trouve  en  la  terre  d'Egypte,  et  en  la  terre  de  Chanaan,  pour  le  froment  qu'on  achetoit:  et  Ioseph  porta  Targent  a  l'hostel  de  Pharao.  15.  Lors  defaillit  l'argent  de  la  terre  d'Egypte,  et  de  la  terre  de  Chanaan:  et  tous  les  Egyptiens  veinrent  a  Ioseph,  disans,  Baillenous  du  pain:  et  pourquoy  mourrons-nous  devant  toy,  veu  que  l'argent  est  failli?  16.  Ioseph  respondit,  B  ai  liez  vos  troupeaux,  et  ie  vous  en  donneray  pour  vos  troupeaux,  si  l'argent  defaut.  17.  Adonc  ils  amenerent  a  Ioseph  leurs  troupeaux,  et  Ioseph  leur  donna  du  pain  pour  des  chevaux,  pour  troupeaux  de  brebis,  pour  troupeaux  de  beufs,  et  pour  des  asnes.  Ainsi  les  sustanta  de  pain  pour  tous  leurs  troupeaux  ceste  annee-la.  18.  Cest  an  fini,  ils  reveinrent  pour  la  seconde  annee,  et  luy  dirent,  Nous  ne  celerons  point  a  mon  Seigneur,  que  puis  que  l'argent  est  defailli,  et  les  troupeaux  du  bestail  sont  par  devers  mon  Seigneur,  il  ne  reste  rien  de-