54:75  75  SERMON  YI  76  c'est  que  nous  le  facions  valoir  (comme  ii  nous  est  monstre  en  toute  l'Escriture  saincte),  que  nous  en  soyons  fideles  dispensateurs.  Car  Dieu  ne  veut  point  que  ses  graces  soyent  enfermees  en  un  coffre,  mais  il  veut  qu'on  les  publie,  et  qu'un  chacun  en  soit  fait  participant.  Yoila  donc  comme  nous  avons  a  garder  ce  depost,  c'est  que  ceux  qui  sont  ministres  de  la  parole  de  Dieu,  et  qui  doivent  estre  comme  les  porteenseignes,  que  ceux-la  advisent  de  dispenser  ce  qu'ils  ont  en  garde,  et  de  le  dispenser  en  sorte  qu'ils  procurent  et  avancent  entant  qu'en  eux  sera  le  salut  de  l'Eglise.  Et  puis  qu'un  chacun  chrestien'  aussi  s'employe  selon  son  degre  et  mesure,  et  que  nous  cognoissions  que  si  nous  prisons  les  thresors  du  monde,  il  faut  bien  que  nous  prisions  d'avantage  les  richesses  spirituelles,  voire  qui  tendent  a  ce  que  Dieu  soit  honore,  que  son  Royaume  soit  dresse  et  establi  entre  nous,  que  Iesus  Christ  nous  gouverne,  et  que  grans  et  petis  luy  facent  hommage,  et  que  le  tout  reviene  a  nostre  salut.  Quand  nous  voyons  cela,  n'est-ce  pas  une  chose  precieuse.  Et  qui  nous  doit  enflammer  d'une  telle  ardeur,  que  nous  abandonnions  tout  le  reste  qui  nous  pourroit  empescher  en  cest  endroit  de  nous  acquitter  de  nostre  office?  Yoila  en  somme  ce  que  nous  avons  a  noter.  Mais  pource  que  nous  ne  pourrions  pas  garder  les  biens  que  Dieu  nous  a  commis  en  charge,  sinon  qu'il  nous  donnast  la  vertu,  et  que  cela  ne  se  peut  faire  par  nostre  industrie,  sainct  Paul  adiouste,  Par  le  sainct  Esprit:  voire,  qiii  habite  en  nous.  Comme  s'il  disoit,  Quand  Dieu  nous  a  elargi  de  ses  graces,  et  qu'il  l'a  fait  pour  le  bien  et  profit  de  tous  fideles,  il  voit  que  nous  sommes  fragiles,  et  que  le  diable  nous  pourroit  ravir  a  chacune  minute  de  temps  et  arracher  des  mains  ce  que  nous  avons  receu:  mais  Dieu  en  est  le  souverain  gardien.  Il  est  vray  qu'en  degre  inferieur  par  dessous  soy  il  veut  bien  que  nous  soyons  gardiens  de  ses  thresors,  il  nous  veut  employer  a  cest  office  tant  honorable:  mais  cependant  il  se  sert  de  nos  personnes  pour  declarer  les  dons  qu'il  a  mis  en  nous:  et  de  faict,  la  vertu  du  S.  Esprit  se  declare  en  cest  endroit.  Sainct  Paul  donc  nous  monstre  que  pour  bien  user  des  graces  de  Dieu,  et  les  employer  fidelement  comme  nous  devons,  afin  que  nous  en  ayons  la  possession  a  tout  iamais,  qu'il  ne  nous  faut  point  fier  en  nostre  vertu,  comme  si  nous  estions  assez  habiles  gens:  mais  de-