51:75  75  SERMONS  76  orgueil  diabolique,  que  tousiours  ils  veulent  estre  quelque  chose  en  eux.  Et  d'autant  plus  nous  fautil  pratiquer  ceste  doctrine.  Et  de  faict  nous  ne  pouvons  rien  profiter  en  l'eschole  de  Dieu,  ni  en  toute  l'Escriture  saincte,  iusques  a  ce  que  nous  ayons  cognu  que  nous  ne  sommes  rien  du  tout  a  fin  que  nous  venions  puiser  de  ceste  plenitude  de  nostre  Seigneur  Iesus  Christ.  Or  cela  ne  se  peut  faire  que  nous  ne  soyons  du  tout  dessechez,  et  que  nous  ne  confessions  avec  David  que  nous  sommes  comme  une  terre  qui  est  toute  fendue  et  brule  de  chaut,  et  qui  n'a  point  une  goutte  de  pluye  ni  d'humidite  sinon  celle  qu'elle  peut  recevoir  du  ciel.  Or  la  dessus  sainct  Paul  adiouste,  que  chacun  donc  espreuve  son  oeuvre,  et  alors  il  aura  louange  en  soy-mesme,  et  non  pas  d'autruy:  c'est  a  dire  par  comparaison.  Ici  sainct  Paul  remedie  encores  a  un  autre  vice  qui  est  fort  commun,  et  toutesfois  nous  confesserons  assez  qu'il  est  mortel  quant  a  soy,  et  que  "nous  en  sommes  quasi  tous  entachez,  c'est  a  scavoir  de  nous  estimer  petis  anges  quand  les  autres  sont  pires  que  nous,  ou  bien  que  nous  ne  les  trouvons  pas  meilleurs.  Et  voila  mesmes  qui  assopit  auiourd'huy  tant  de  poures  gens  qui  s'oublient  et  ne  tiennent  conte  de  Dieu,  ni  de  leur  salut.  C'est  pour  ce  qu'ils  voyent  que  pesle  mesle  tout  le  monde  va  ainsi.  Quand  nous  prendrons  un  village,  et  qu'on  demandera  a  l'un  et  a  l'autre  comment  on  s'y  gouverne,  il  est  certain  que  chacun  aura  son  excuse,  et  comme  pour  faire  bouclier,  quand  il  dira,  O  il  faut  hurler  entre  les  loups.  Autant  en  dira  -  on  par  les  villes  et  par  les  pays  :  bref  nous  serons  (comme  on  dit  en  proverbe)  sacs  a  charbonniers,  nous  noircirons  l'un  l'autre.  Et  puis  il  nous  semble  que  nous  soyons  absouts  et  innocens  devant  Dieu,  quand  nous  pourrons  dire,  O  celuy  la  ne  fait  pas  mieux  que  moy,  nous  voyons  que  le  monde  n'est  pas  meilleur.  On  voit  que  tout  le  monde  fait  ainsi.  Mais  tant  y  a  que  si  nous  ne  pouvons  estre  purgez,  voila  qui  est  cause  de  nous  endurcir  a  mal  et  nous  faire  mespriser  avec  toute  rebellion  le  iugement  de  Dieu,  comme  si  iamais  nous  n'avions  a  venir  a  conte.  Ainsi  nous  avons  une  bonne  exhortation  et  fort  utile  en  ce  passage  quand  sainct  Paul  dit  que  chacun  doit  esprouver  son  oeuvre.  Il  est  vray  qu'on  pourroit  prendre  le  mot  dont  il  use  pour  approuver:  mais  il  ne  convient  pas:  car  il  parle  ici  de  l'examen  que  nous  devons  faire  sans  comparaison:  comme  nous  voyons  en  la  seconde  des  Corinthiens  qu'ils  ee  mocquoit  de  ceux  qui  se  mesuroyent  a  l'aune  d'autruy.  Et  sainct  Paul  leur  disoit,  Regardez  ce  que  chacun  de  vous  aura  fait,  et  quand  vous  aurez  couche  tous  vos  items,  que  monstrerez  vous?  Il  faut  donc  qu'un