50:75  75  EPIST.  PAULI  AD  CORINTHIOS  II  76  mendantes  nos  tanquam  Dei  ministri,  in  patientia  multa,  in  afflictionibus',  in  necessitatibus,  in  angustiis,  5.  in  plagis,  in  carceribus,  in  seditionibus.,  in  laboribus,  in  vigiliis,  in  ieniuniis,  6.  in  sinceritate,  in  scientia,  in  tolerantia,  in  mansuetudine,  in  spiritu  sancto,  in  cantate  non  ficta  7.  in  sermone  veritatis,  in  potentia  Dei,  per  arma  iustitiae  dextra  et  sinistra:  8.  per  gloriam  et  ignominiam,  per  infamiam  et  bonam  famam:  tanquam  impostores,  tamen  veraces:  9.  tanquam  ignoti,  tamen  celebres:  tanquam  morientes,  et  ecce,  vivimus:  tanquam  castigati,  tamen  morte  non  affecti'.  10.  tanquam  moerore  affecti,  semper  tamen  gaudentes:  tanquam  inopes,  multos  tamen  ditantes  :  tanquam  nihil  habentes,  et  omnia  possidentes.  1.  Adiuvantes.  Retulit  mandata  legationis,  quibus  instructi  sunt  a  Deo  evangelii  ministri.  Postquam  haec  mandata  fideliter  pertulerunt,  debent  etiam  incumbere  ut  valeant,  ne  irrita  sit  eorum  opera.  Addere,  inquam,  assiduas  exhortationes  debent,  ut  efficax  sit  legatio.  Hoc  est  quod  dicit  auvspyoOvTec,  hoc  est,  promovendo  negotio  insistentes.  Neque  enim  satis  est  docere,  nisi  etiam  urgeas.  Hoc  modo  particula  GOV  relationem  haberet  ad  Deum,  vel  ad  legationem,  quam  servis  suis  mandat.  Adiuvatur  enim  evangelii  doctrina  exhortationibus  ne  effectu  careat:  et  ministri  suum  studium  Dei  mandato  adiungunt:  quemadmodum  legati  sunt  partes,  quod  principis  sui  nomine  in  medium  proponit,  rationibus  persuadere.  Potest  etiam  particula  oov  referri  ad  commune  studium  ministrorum:  quia,  si  opus  Domini  ex  animo  agunt,  debent  alii  aliis  vicissim  manum  porrigere,  ut  alii  aliis  sint  adiutores.  Mihi  tamen  magis  placet  prior  expositio.  Chrysostomus  de  auditoribus  interpretatur,  quibus  cooperantur  ministri,  dum  eorum  pigritiam  torporemque  excitant.  Hic  docentur  ministri,  non  sufficere  si  doctrinam  simpliciter  proponant:  sed  elaborandum  ut  recipiatur  ab  auditoribus,  neque  id  semel,  sed  assidue.  Quia  enim  internuntii  sunt  inter  Deum  et  homines:  primae  eorum  partes  sunt  offerre  Dei  gratiam  :  secundae  autem,  omni  studio  eniti  ne  inutiliter  oblata  fuerit.  2.  Dicit  enim:  Tempore  accepto.  Citat  prophetiam  Iesaiae  valde  accommodam  exhortationi,  de  qua  loquitur.  Tractatur  illic  haud  dubie  de  regno  Christi:  quemadmodum  ex  contextu  liquet.  Pater  ergo  filium  colligendae  ecclesiae  ducem  creans,  his  verbis  eum  alloquitur:  Tempore  accepto  exaudivi  te.  Verum  scimus,  quae  sit  analogia  capitis  ad  membra.  Nostro  enim  nomine  exauditus  fuitiChristus,  sicuti  in  eius  manu  nostra  omnium  salus  est  deposita,  nec  aliud  in  curam  suam  suscepit.  Ideo  admonemur  omnes  in  persona  Christi,  ne  occasionem  adipiscendae  salutis  spernamus.  Pro  eo  quod  graecus  interpres  reddidit  eunpoaSexxov,  habetur  in  verbis