44:75  75  IN  SOPHONIAM  76  pore,  idque  propter  ecclesiam,  hoo  est,  quia  profitebantur  se  Deum  peculiarem  colere.  Nam  hoc  etiam  nomine  erant  exosi  omnibus  populis  Iudaei,  quia  erat  illis  religio  separata  ab  omnium  gentium  superstitionibus.  Quare  fieri  non  potuit  quin  eos  vexarent  multis  opprobriis  increduli,  postquam  tracti  fuerant  in  exsilium  et  dispersi  huc  et  illuc.  Dixerat  prius,  Colligam  afflictos:  sed  iam  adiungit,  ergo  colligam  eos  qui  sustinuerunt  opprobrium.  Dixi  alios  vertere  Onus  super  eam  opprobrium.  Sed  non  posset  ex  verbis  illis  elici  ullus  sensus.  Non  dubium  igitur  est,  hic  prophetam  occurrere  tentationibus,  quae  manebant  filios  Dei,  qui  visuri  erant  in  exsilio  quod  gravissimum  esset  toleratu,  nempe  ut  essent  expositi  sannis  et  ludibriis  omnium  gentium.  Ergo  hic  opportune  medetur  eorum  dolori  dicens,  etiamsi  ad  tempus  ita  rideantur  ab  impiis,  tamen  redituros  in  patriam:  quia  Dominus  statuit  ipsos  colligere.  Sed  tenendum  semper  est  quod  dixi,  hoc  Deum  facturum  esse  tempore  suo,  hoc  est,  ubi  ipse  opportunum  esse  cognoverit.  Sequitur:  19.  Ecce  ego  conficiens  omnes  oppressores  tuos  (qui  te  humiliant,  ad  verbum),  in  tempore  Ulo:  et  servabo  claudicantem.  Et  reducam  expulsam,  ad  faciendum  eos  in  laudem,  et  nomen  in  terra  opprobrii  ipsorum.  Hic  confirmat  quod  proximo  versu  iam  attigi,  quod  scilicet  Deus  superabit  omnia  obstacula,  ubi  volet  populum  suum  reducere.  In  hoc  enim  diximus  insistere  prophetam,  ut  Iudaei  in  suo  exsilio  sese  sustineant  fiducia  liberationis.  Quia  ergo  non  poterant  statim  concipere  quod  erat  tam  incredibile  secundum  carnis  sensum,  ideo  testatur  in  Deo  satis  esse  virtutis  ad  hostes  omnes  vincendos.  In  tempore  illo,  inquit.  Repetit  quod  prius  dictum  est,  nempe  exspectandum  esse  quoad  placuerit  Deo  exercere  populum  suum  sub  cruce.  Nam  si  data  fuisset  optio  Iudaeis,  libenter  fuissent  quieti.  Et  scimus  ut  soleant  homines  sese  eximere  ab  omni  incommodo,  metu,  tristitia.  Quum  ergo  homines  naturaliter  appetant  quietem  et  immunitatem  ab  omni  malo,  propheta  hic  hortatur  fideles  ad  patientiam:  et  ostendit  non  posse  aliter  fieri,  ut  Deus  se  praestet  redemptorem  sicuti  promisit,  nisi  se  ipsi  vicissim  subiiciant  eius  castigationi.  In  tempore  ergo  illo.  Hoc  semper  notandum  est,  quod  propheta  corrigit  nimiam  illam  celeritatem,  quae  solet  homi-,  nes  abripere,  ubi  Deus  ipsos  castigat.  Ergo  utcunque  lente  et  pedetentim  Deus  ad  suos  liberandos  procedat,  hic  propheta  ostendit  non  esse  cur  desperent,  vel  cur  interea  animis  frangantur.  Tandem  adiungit  se  velle  servare  claudicantem  et  expulsam.  Quibus  verbis  significat  etiamsi  ecclesia  mutila  sit