42:75  75  SERMON  XL.  76  contraire  Dieu  nous  approuve,  car  nous  avons  sa  parole,  et  c'est  la  marque  qu'il  donne  pour  discerner  les  siens,  car  il  est  dit  que  ses  brebis  oient  sa  voix,  et  l'escoutent,  et  au  contraire  ils  n'oient  point  la  voix  d'un  estranger.  Quiconques  donc  ne  s'assuietit  a  la  doctrine  de  l'Evangile,  celuy-la  est  reiette  de  Dieu,  combien  qu'il  se  glorifie  d'estre  de  son  peuple.  Voila  donc  comme  nous  devons  estre  armes  quand  on  nous  dira,  que  les  papistes  sont  en  plus  grand  nombre  que  nous,  qu'ils  ont  le  nom  de  l'Eglise,  et  qu'ils  ont  toute  l'apparence,  nous  avons  une  responce  briefve  et  courte,  et  neantmoins  certaine  et  infallible,  c'est  a  scavoir,  que  Dieu  nous  approuve,  et  qu'il  n'accepte  point  toutes  leurs  parades,  toutes  ces  pompes,  et  ces  beautes  la,  mais  qu'il  veut  que  nous  suivions  en  toute  humilite  sa  parole,  moiennant  donc  que  nous  aions  la  pure  doctrine  qu'il  nous  ha  donnee  par  ses  prophetes,  et  par  ses  Apostres,  que  ce  nous  soit  asses,  et  sachons  que  nous  sommes  son  Eglise,  qu'il  nous  advoue  pour  son  troupeau,  qu'il  est  nostre  Pere,  moiennant  que  nous  ne  deciinions  point  de  la  pure  religion  telle  que  nous  l'avons  receue  de  luy:  or  il  est  ici  dit  d'avantage  qu'encores  en  ce  petit  nombre  de  gens,  il  y  en  aura  beaucoup  d'hipocrites  qui  par  fallace  se  ioindront  au  peuple  de  Dieu,  et  le  mot  dont  use  aussi  le  prophete  Daniel  signifie  une  legerete  glissante,  quand  il  n'y  ha  point  d'arrest,  comme  s'il  disoit,  il  y  en  aura  d'aucuns  qui  n'ont  point  un  vray  zele,  ne  d'une  affection  ferme  s'adioindront  au  peuple  de  Dieu,  mais  par  legierete,  et  mesmes  il  n'y  aura  que  fiction  en  eux,  et  hipocrisie,  voila  une  tentation  bien  grande,  car  pour  le  moins,  s'il  faut  que  nous  soions  une  petite  compagnie,  et  que  nous  soions  comme  reiettes  et  mesprises  du  monde.  Si  Dieu  choisist  ceux  qui  ont  le  coeur  pur  et  entier  envers  luy,  encores  est-ce  quelque  consolation,  et  bien  il  est  vray  que  le  monde  nous  reiette,  qu'on  ne  tient  compte  de  nous,  a  cause  que  nous  sommes  foibles  et  debiles,  que  nous  ne  sommes  qu'une  petite  bande  qui  invoquons  Dieu,  mais  tant  y  ha  que  nous  sommes  d'un  accord,  nous  cheminons  en  purete  de  conscience,  et  nous  pouvons  dire  que  quand  nous  serons  examines,  qu'on  nous  trouvera  tous  serviteurs  de  Dieu,  et  que  nous  invoquons  son  nom,  tellement  que  nous  monstrons  que  ce  n'est  point  en  vain  que  nous  faisons  protestation  d'une  telle  foy.  Or  au  contraire,  il  est  dit  que  combien  que  l'Eglise  soit  petite,  qu'il  y  en  aura  des  meschans  qui  seront  meslos,  et  qui  s'adioindront  avec  les  fideles,  et  feront  semblant  d'estre  de  leur  troupeau,  et  ceux-la  n'auront  que  fiction,  il  n'y  aura  point  de  verite  en  eux,  ii  n'y  aura  nulle  constance,  mais  ils  seront  comme  glissans,  qu'il  n'y  aura  point  de  fermete,  en  somme.  Or  cela  advint  du  temps  des  Machabees,  comme