40:75  75  PRAELECTIONES  76  penitissimos  cordis  sui  recessus,  ut  deinde  cibum  probe  concoctum  inde  proferant.  Nunc  ergo  tenemus  cur  Deus  voluerit  prophetam  comedere  librum,  de  quo  etiam  postea  sequitur.  9.  Et  adspexi,  et  ecce  manus  emissa  ad  me,  et  ecce  in  ea  volumen  libri.  10.  Et  explicuit  coram  facie  mea,  et  ecce  scriptum  erat  volumen  a  facie  et  retro^  (hoc  est  a  facie  et  a  tergo),  et  scriptura  (quod  scriptum  erat  in  ipso)  lamentationes  y  et  carmen,  et  vae.  Nunc  plenius  docet  propheta  quorsum  illud  spectaret  quod  ante  diximus.  Narrat  igitur  sibi  oblatum  fuisse  volumen  libri,  hoc  est  librum  fuisse  oblatum  in  formam  voluminis.  Nam  nomen  rbyu  quod  usurpat,  deductum  est  a  %  volvendo:  sicuti  etiam  volumen  apud  Latinos.  Solebant  autem  olim  in  voluminibus  scribere,  hoc  est  non  habebant  talem  formam  librorum  sic  compactam  vel  concinnatam,  ut  nobis  nunc  est  in  usu:  sed  habebant  volumina,  quos  barbari  vocarunt  rotulos.  Et  veteres  etiam  chartae  scriptae  sunt  hoc  modo:  nihil  est  vetustum  in  principum  archivis,  quod  non  sit  scriptum  in  voluminibus.  Et  inde  etiam  illud  (Psal.  40,  8),  In  volumine  libri  scriptum  est,  ete.  Iam  ergo  dicit  propheta  oblatum  sibi  fuisse  tale  volumen,  ut  comederet:  sed  dicit  oblatum  e  manu  quae  emissa  fuit.  Hoc  autem  symbolo  clarius  ostendit  Deus  volumen  non  fuisse  conflatum  in  aere,  nec  fuisse  alibi  natum  quam  in  coelo.  Nam  si  tantum  vidisset  propheta  volumen  sibi  occurrere,  poterat  adhuc  disceptare  secum,  an  emissum  esset  a  Deo  necne.  Ubi  autem  apparet  manus  quae  volumen  profert,  et  manus  emissa,  nempe  a  Deo,  illic  nihil  deest  ad  plenam  et  solidam  certitudinem.  Dicit  postquam  volumen  fuit  explicitum,  se  vidisse  scriptum  ab  utraque  parte:  quibus  verbis  intelligit  non  breve  aliquod  mandatum  sibi  fuisse  datum,  sed  longitudinem  multi  temporis  fuisse  impositam.  Nam  si  tantum  loquutus  esset  de  volumine,  poterant  Iudaei  contemptim  reiicere  ipsum  post  tres  vel  quatuor  dies  ac  si  ad  finem  ventum  esset:  Tibi  quidem  propositum  fuit  volumen:  sed  iam  ter  et  quater  loquutus  es:  nonne  hoc  sufficit?  Ergo  propheta  ut  fastidio  occurrat,  dicit  volumen  illud  scriptum  fuisse  a  fronte  et  tergo.  Iam  dicit  etiam  quale  esset  argumentum,  scriptae  erant  tantum  lamentationes,  inquit.  n:n  significat  interdum  meditationem  atque  sermonem  simpliciter:  sed  hic  quia  subiicitur  lamentationibus,  minime  dubium  est  quin  sumatur  pro  carmine  lugubri.  Tandem  additur  ">n  hei,  est  particula  dolentis.  In  summa  propheta  docet,  doctrinam  quae  in  libro  continebatur,  non  fuisse  dulcem  vel  iucundam,  sed  plenam  tristitia,  quoniam  scilicet  illic  Deus  proferebat  signa  irae  suae,  ut  inde  non  posset  concipi  nisi  materia  doloris  et