39:75  75  PRAELECTIONES  76  tametsi  perperam  et  impie  defecerant  a  familia  Davidis.  Pro  more  igitur  recepto  dicit  duas  familias  reiectas  esse,  hoc  est,  regnum  Israel  et  regnum  Iehudah.  Iam  populus  dicebat  utrosque  esse  reiectos,  quod  verum  erat,  sed  non  ex  eorum  sensu.  Nam  sicuti  prius  dictum  fuit,  statuebant  nullam  spem  esse  residuam,  ac  si  foedus  Dei  penitus  esset  abolitum,  quanquam  temporalis  duntaxat  erat  abdicatio.  Videmus  ergo  quid  reprehendat  in  communi  sermone  populi  Deus,  nempe  quod  nullam  spem  veniae  et  misericordiae  concipere  poterant,  quia  attoniti  abiecerant  omnem  memoriam  promissionum  Dei,  quum  viderent  se  trahi  in  exsilium.  Sicuti  enim  prius  obduruerant  ad  minas.  Ita  desperatio  statim  corripuit  eorum  mentes,  ut  nullum  caperent  gustum  bonitatis  et  misericordiae  Dei.  Adiungit,  in  ipsorum  oculis  populum  esse  contemptibilem,  ut  non  sit  amplius  gens:  ideo  tertio  inculcat  quod  ante  vidimus.  25.  Sic  dicit  Iehovah,  Si  non  foedus  meum  diei  et  noctis  j  leges  coelorum  et  terrae  non  posuero  (repetendum  est  DN  si:  si  non  posuero  leges,  vel  statuta  coelorum  et  terrae),  26.  Etiam  semen  Iacob,  et  Davidis  servi  mei  reprobabo,  ut  non  assumam  ex  semine  eius  qui  dominetur  super  semine  Abrahae,  Isaac  et  Iacob:  quia  reducam  captivitatem  eorum,  et  miserebor  eorum.  Opponit  hic  Deus  constantiam  fidei  suae  perversis  illis  susurris:  de  quibus  conquestus  est,  et  iterum  proponit  similitudinem  prius  adductam.  Si  ergo  non  statui  foedus  meum,  vel  nullum  est  foedus  meum  cum  die  et  nocte,  si  nullae  sunt  leges  in  coelo  et  terra,  nunc  abiecero  semen  Iacob  et  semen  Davidis.  Quod  si  conspicua  semper  est  firmitas  mea  in  legibus  naturae,  qui  fit  ut  mihi  non  tribuatis  legitimum  honorem?  Ego  enim  idem  sum  Deus,  qui  creavi  coelum  et  terram,  qui  constitui  totius  uaturae  leges,  quae  firmae  manent,  et  qui  percussi  etiam  foedus  cum  ecclesia  mea.  Si  non  mutatur  veritas  mea  in  legibus  naturae,  cur  mutabitur  in  foedere  illo  sacro,  quod  cum  electo  populo  meo  pepigi?  Nunc  ergo  videmus  exprimi  causam  cur  toties  confirmet  Deus  rem  per  se  satis  claram,  quia  scilicet  difficile  fuit  certamen  cum  obstinata  populi  desperatione.  Putabant  enim  se  absque  ulla  spe  liberationis  abdicatos  quum  Deus  temporalem  duntaxat  poenam  sumeret  de  ipsorum  sceleribus  ac  si  exsilium  esset  sine  reditu  scilicet.  Ponit  semen  Iacob  priore  loco,  quia  dictum  fuerat  Abrahae,  in  semine  tuo:  et  eadem  promissio  repetita  fuerat  ipsi  Iacob,  quemadmodum  constat  ex  vigesimo  octavo  cap.  Geneseos.  Postea  additur  semen  Davidis,  quia  specialis  promissio  tandem  data  fuit  Davidi.  Semen  ergo  Davidis  reprobabo,  ut  non  assumam,  inquit,  ex  eius  semine  qui