35:75  75  SERMON  CXXIV  76  en  a  beaucoup  qui  s'escarmouchent,  quand  Dieu  les  afflige  plus  que  s'ils  n'avoyent  iamais  cognu  la  parole  de  Dieu.  Or  il  faut  que  ceste  cognoissance  que  nous  avons  nous  soit  tant  plus  cher  vendue,  d'autant  que  Dieu  a  ainsi  parle,  et  qu'il  nous  a  solicitez  de  sa  bouche  sacree  de  venir  a  luy,  et  que  nous  en  reculons,  et  ne  daignons  marcher  un  pas:  mesmes  quand  il  n'est  question  que  de  regimber,  ne  faut-il  pas  que  nous  soyons  affligez  au  double?  Ainsi  donc  apprenons  de  recevoir  d'un  coeur  paisible  des  chastimens  que  Dieu  nous  envoye:  cognoissons  que  ce  n'est  pas  en  vain  qu'il  nous  afflige.  Et  pourquoy?  Regardons  si  sa  doctrine  nous  est  authentique  comme  elie  merite,  c'est  a  dire  si  nous  sommes  dociles  et  debonnaires  pour  suivre  nostre  Pasteur  comme  brebis  et  agneaux.  Si  tost  que  Dieu  parle,  nous  devrions  avoir  sa  parole  imprimee  en  nos  coeurs  pour  y  adherer:  or  nous  ne  demandons  que  l'effacer,  ou  nous  faisons  des  aureilles  sourdes,  ou  bien  ce  qui  est  passe  par  une  aureille  s'escoule  par  l'autre.  Voyans  donc  que  les  uns  n'ont  gueres  de  reverence  a  la  parole  de  Dieu,  les  autres  se  rebecquent  ouvertement  a  l'encontre,  les  autres  s'en  mocquent,  il  faut  bien  que  Dieu  la  seelle  quand  elle  est  ainsi  mal  receue  par  nous.  Et  comment?  par  afflictions.  Voila  donc  les  seaux  de  Dieu,  que  toutes  les  adversitez  qu'il  nous  envoye.  Mais  afin  que  ces  chastimens  qui  de  nature  nous  sont  durs  et  fascheux,  nous  soyent  rendus  amiables,  notons  bien  ce  qu'Eliu  dit,  c'est  assavoir,  Que  Dieu  veut  retirer  les  hommes  de  leur  ouvrage,  et  cacher  V  orgueil.  En  ceci  il  exprime  que  Dieu  seellant  sa  doctrine  par  afflictions,  ne  regarde  pas  seulement  a  magnifier  sa  parole,  afin  qu'elle  ait  sa  maieste,  mais  qu'il  procure  quant  et  quant  le  salut  des  hommes.  La  fin  donc  a  laquelle  Dieu  pretend  quand  il  nous  afflige,  doit  estre  comme  un  succre,  qui  est  pour  adoucir  l'amertume  qui  autrement  se  monstre  aux  afflictions.  Voila  des  afflictions  de  Dieu  qui  sont  fascheuses  a  porter:  voire,  car  nous  fuyons  tout  ce  qui  est  contre  nostre  appetit.  Et  puis  il  y  a  d'avantage,  que  ce  nous  est  une  chose  espouvantable  que  Pire  de  Dieu:  or  toutes  fois  et  quantes  que  Dieu  nous  punit,  c'est  un  signe  qu'il  nous  donne  d'estre  courrouce  contre  nous:  et  ainsi  il  ne  se  peut  faire  que  nous  ne  soyons  effrayez,  et  tormentez  et  angoissez.  Mais  Dieu  adoucit  tout  cela,  quand  il  nous  monstre  la  fin  ou  il  pretend,  c'est  qu'il  nous  veut  renger  a  soy,  qu'il  ne  demande  sinon  que  nous  le  suivions  pour  luy  obeir.  Voila  donc  ce  qu'Eliu  adiouste,  en  disant,  Que  Dieu  veut  retirer  l'homme  de  son  oeuvre.  Or  quand  il  parle  ici  d'oeuvre,  ce  n'est  pas  generalement  de  tout  ce  que  les  hommes  entreprenent,  mais  de  ce  qu'ils  veulent  faire  par  temerite  et  par  arrogance.  Car  nons  savons  que  Dieu  nous  a  creez  pour  tra-