30:75  75  HOMILIA  LI.  76  dimus  populum  intolerabilem  servitutem  passum  fuisse  multos  annos,  et  sub  iugum  asperrimum  missum  fuisse  instar  miserarum  pecudum,  sine  defensione.  Nam  quaeso,  quaenam  erat  servitus,  etiam  instrumenta  ad  culturam  terrae  necessaria  non  habere  nisi  ab  inimicis?  Iam  vero  Deus  se  defensorem  et  protectorem  populi  sui  profitetur,  nec  ita  tamen,  ut  magnum  otium  ipsi  faciat,  quandoquidem  saepe  exercetur  novis  hostium  aggressionibus.  Saul  quidem  magnum  est  ipsi  propugnaculum,  Deo  prosperos  successus  ipsi  dante  :  sed  nihilominus  novis  semper  hostium  invasionibus  infestatur.  Ex  quibus  discimus,  Deum  nunquam  in  hac  vita  suis  perfectam  dare  quietem  et  tranquillitatem:  ne,  si  quando  cum  variis  difficultatibus  luctandum  erit,  fraenum  arrodant  et  dentibus  adversus  ipsum  frendeant.  Neque  enim  cogitandum  est  in  hac  terrestri  et  non  diuturna  habitatiuncula,  Deum  velle  nobis  terrestrem  paradisum  dare,  vel  delitias  facere.  Sed  hoc  uno  contentos  esse  oportet,  perfectam  felicitatem  nostram  esse  in  coelo  positam:  Deumque  nunquam  defuturum  nobis  in  summis  periculis,  quin  opportunum  auxilium  adferat.  Sed  vicissim  etiam  sciendum,  Deum  variis  afflictionibus  nos  exercentem,  velle  ita  nobis  ampliorem  ipsum  invocandi  materiam  dare:  et  a  carnalibus  omnihus  affectibus  avocare,  ne  illis  inebriemur:  ad  quas  nos  esse  nimium  proclives,  et  nimium  saepe  ab  illis  eludi  ipsa  experientia  testatur.  Quare  quum  hoc  loco  victorias  Saulis  audimus,  etiam  meminerimus  miserae  conditionis  cum  qua  Dei  populus  luctabatur,  crebro  illum  novis  aggressionibus  hostibus  adorientibus.  Hic  vero  quum  memorantur,  Kis,  Ner,  Abner,  et  fit  etiam  mentio  Idumaeorum,  Moabitarum,  Hammonitarum  et  reliquorum  adversus  quos  Saul  perpetuum  bellum  gessit,  observandum  istos  omnes  fuisse  e  posteris  Abrahami,  qui  tamen  perpetuis  odiis  adversus  Tsraelitas  certarunt.  Et  quidem  Idumaei  erant  oriundi  ab  altero  filiorum  Isaaci,  Esauo,  fratre  Iacobi:  qui  tamen  capitalissimi  hostes  Israelitarum  fuerant,  et  adversus  eos  continua  bella  gesserunt.  Sed  quid  hoc  est?  Tantane  fratres  inter  se  odia  exercere?  Nae  perinde  istud  est  ac  si  unius  eiusdemque  corporis  membra  mutuis  sese  vulneribus  confoderent.  Hinc  itaque  discamus  non  mirari,  si  ii  qui  nos  tueri  et  defendere  deberent,  qui,  inquam,  sese  catholicae  fidei  protectores  nuncupant,  nobis  sunt  hostes  infestissimi:  quandoquidem  ea  fuit  omnium  temporum  macula.  Sic  videmus  Israelitas,  non  tantum  adversus  Philistaeos  bellum  gessisse:  sed  adversus  germanos  fratres,  qui  crebis  ipsos  praeliis  lacessiverunt,  quibus  tamen  potius  ferre  suppetias  ab  aliis  oppressis  oportebat.  Haec  vero  nobis  hodie  in  nostram  utilitatem  debent  cedere:  neque  enim  maioribus  privilegiis  quam  patres  nostros  frui  par  est.  Ac  non  dubium  est  quin  ecclesiae  conditio  et  ima-