27:75  75  SERMON  LXXIV.  76  ses  oeuvres,  tellement  que  nous  soyons  contraints  de  confesser  que  c'est  luy  qui  nous  a  aidez,  et  secourus.  Notons  bien  donc  que  quand  il  a  ainsi  multiplie  son  peuple,  il  a  voulu  faire  un  miracle  qui  n'eust  iamais  este  attendu:  afin  qu'on  ne  doutast  plus  que  c'estoit  luy  qui  avoit  parle  a  Abraham,  et  qu'il  ne  luy  avoit  point  promis  en  vain  d'estre  le  Dieu,  et  le  protecteur  de  toute  sa  race.  Auiourd'huy  on  trouvera  des  mocqueurs,  qui  pour  mettre  les  choses  en  doute,  allegueront:  Est-il  possible  qu'en  si  petite  espace  de  temps  septante  personnes  soyent  creues  iusques  a  faire  sept  cens  mille?  Est-il  possible?  Voire  mais  si  lo  peuple  se  fust  augmente  a  la  facon  commune:  que  diroyent-ils?  Et  cela  n'est-il  pas  advenu  a  d'autres?  et  faut-il  dire  que  c'est  Dieu  qui  nous  gouverne?  car  l'ordre  de  nature  en  porte  autant.  Voila  que  diront  ces  mocqueurs.  Or  nous  voyons  la  malice  qui  est  aux  hommes.  Car  si  Dieu  ne  passe  point  le  cours  ordinaire  de  nature,  ils  ne  voyent  goutte  pour  contempler  sa  main,  il  leur  semblera  que  c'est  fortune,  ou  que  c'est  leur  prudence,  ou  les  moyens  inferieurs  de  ce  monde  :  mais  au  contraire  quand  Dieu  eslevera  sa  main  forte,  et  qu'il  fera  ce  qui  estoit  incomprehensible,  et  que  iamais  on  n'eust  pense,  alors  les  hommes  diront:  Et  comment  cela  s'est-il  fait?  Et  voudroyent  mesmes  aneantir  la  vertu  de  Dieu  sous  ombre  qu'elle  surmonte  leur  sens  et  leur  capacite.  Or  de  nostre  part  apprenons  de  faire  cest  honneur  a  Dieu  (comme  il  le  merite  bien  aussi)  de  ne  point  iuger  a  nostre  phantasie  de  ses  oeuvres:  voire,  sur  tout  quand  elles  seront  miraculeuses.  Et  ici  nous  avons  comme  un  miroir  comment  c'est  que  Dieu  suscite  son  Eglise:  comme  aussi  il  en  parle  par  son  prophete  Isaie:  Regardez  a  la  carriere  (dit-il)  dont  vous  avez  este  tirez.  Regardez  a  la  matrice  de  vostre  mere  Sarra.  Regardez  a  vostre  pere  Abraham:  n'estoit-il  pas  seul?  toutesfois  maintenant  ie  vous  ay  multipliez,  comme  la  chose  le  monstre.  La  Dieu  accompare  la  matrice  de  Sarra  a  une  carriere  de  pierre.  Voici  (dit-il)  dont  vous  estes  procedez.  Comment  pourroit-on  tirer  d'une  carriere  de  pierre  un  peuple  pour  estre  augmente  en  telle  multitude  que  vous  estes?  et  toutesfois  ie  vous  ay  tirez  de  la,  vous  estes  descendus  d'une  telle  source.  Car  vostre  pere  Abraham  qu'estoit-ce?  Un  povre  vieillard  tout  casse,  et  rompu:  qui  en  eust  attendu  un  tel  peuple?  Or  apprenez  donc  de  sentir  que  ce  suis-ie  qui  vous  ay  multipliez,  et  que  vous  tenez  tout  de  moy.  Voila  donc  ce  que  nous  avons  a  retenir:  c'est  assavoir  quand  Dieu  appelle  son  Eglise,  et  luy  donne  estre,  qu'il  y  besongne  en  telle  sorte,  qu'on  peut  bien  dire  (comme  sainct  Paul  en  parle  au  premier  chapitre  de  la  premiere  aux  Corinthiens)  que  c'est  de  luy  que  nous  sommes.  Or  il  n'entend  pas  que  nous  ayons  este  creez  de