26:75  75  SERMON  XVII.  76  qui  luy  est  dit.  Et  de  faict,  nous  ne  le  pouvons  pas  excuser  du  tout,  qu'il  n'ait  failli.  Oar  nous  ne  saurions  estre  chatouillez  du  moindre  appetit  du  monde,  lequel  soit  contraire  a  la  volonte  de  Dieu,  que  desia  nous  ne  soyons  coulpables.  Mais  quand  nous  avons  ceste  hardiesse  de  venir  a  Dieu,  de  luy  faire  une  requeste  tout  a  l'opposite  de  son  vouloir:  voila  double  offense.  Et  pourquoy?  Le  fondement  de  toutes  nos  prieres  est  la  foy.  Or  elle  ne  peut  estre  sans  la  promesse  de  Dieu.  Celuy  donc  qui  viendra  ietter  ses  bouffees,  et  demandera  a  Dieu  ce  qu'il  cognoist  ne  luy  estre  point  agreable,  ne  passe-ii  point  ses  limites?  ne  va-il  point  tout  au  rebours  de  ce  que  porte  la  reigle  d'Oraison?  Comme  ceci  se  voit  en  Moyse:  et  par  cela  il  s'ensuit  que  il  a  failli.  Et  de  faict,  la  response  le  monstre.  Car  tout  ainsi  que  Dieu  auparavant  s'estoit  fasche  contre  luy,  de  ce  qu'il  ne  l'avoit  point  glorifie  en  ceste  contention  qui  fut  esmeue,  par  faute  que  le  peuple  n'avoit  que  boire:  aussi  maintenant  il  se  courrouce  derechef.  Quand  nous  n'aurions  autre  tesmoignage,  il  nous  doit  bien  suffire:  notamment  Dieu  luy  ferme  la  porte  pour  l'avenir,  qu'il  n'y  retourne  plus.  Par  ceci  nous  sommes  admonnestez  qu'il  nous  faut  soliciter  a  reprimer  nos  desirs,  et  a  les  tenir  en  bride.  Car  a  grande  peine  trouvera-on  homme  qui  se  soit  rendu  tant  paisible  pour  obeir  a  Dieu  comme  Moyse:  cerchons  de  tous  costez,  il  est  certain  que  Moyse  a  este  un  miroir  excellent  d'un  homme  debonnaire,  et  qui  avoit  son  esprit  du  tout  abbatu,  ne  cerchant  sinon  de  suyvre  ce  qui  luy  seroit  commande  d'enhaut.  Et  neantmoins  si  voit-on  encores  qu'il  ne  s'est  peu  tenir  ne  moderer,  qu'il  n'y  ait  eu  de  l'excez  en  ses  affections.  Si  eela  est  avenu  a  Moyse  qui  estoit  tant  accoustume  d'obeir  a  Dieu  en  tout  et  par  tout:  que  sera-ce  de  npas  qui  avons  encores  tant  mal  profite  en  cest  endroit?  Ainsi  donc  voici  un  acte  qui  nous  monstre  quel  est  le  principal  exercice,  et  la  principale  estude  des  enfans  de  Dieu,  que  de  mettre  sous  le  pied  leurs  affections  :  afin  qu'il  ne  leur  avienne  point  de  rien  desirer,  sinon  ce  qu'ils  cognoissent  plaire  a  Dieu.  Car  c'est  la  reigle  pour  discerner  entre  le  bien  et  le  mal  que  celle-la.  Voila  pour  un  item.  D'avantage  il  ne  nous  faut  point  arrester  a  l'apparence.  Quand  nous  aurons  quelque  desir,  s'il  nous  semble  bon  et  iuste,  qu'il  ne  faut  pas  cuider  qu'il  nous  soit  pourtant  licite.  Car  si  nous  regardons  au  desir  de  Moyse,  chacun  dira  qu'il  estoit  sainct.  Et  mesmes  nous  sommes  estonnez  comme  il  a  este  ainsi  refuse  :  veu  qu'il  ne  parloit  point  tant  pour  soy,  que  pour  le  profit  commun  de  tout  le  peuple.  Car  il  ne  demandoit  sinon  que  le  peuple  fust  tant  mieux  edifie  et  conferme  en  la  grace  de  Dieu.  Il  se  voit  ordonne  a  une  vocation  tant  excellente,  desia  il  s'en  est  acquitte  par  l'espace  de